തിരുവനന്തപുരം: ശ്രീകാര്യത്ത് ആര്എസ്എസ് കാര്യവാഹക് രാജേഷിനെ വെട്ടിക്കൊലപ്പെടുത്തിയ സംഭവത്തില് ഒരാള് പൊലീസ് കസ്റ്റഡിയില്. ശ്രീകാര്യം കരുമ്പുകോണം സ്വദേശി പ്രമോദ് ആണ് പിടിയിലായത്. അക്രമവുമായി നേരിട്ട് ബന്ധമുള്ള ഇയാളെ വിശദമായി ചോദ്യം ചെയ്യുകയാണ്.സംഭവവുമായി ബന്ധപ്പെട്ട് ആറുപേരെ പൊലീസ് ചോദ്യം ചെയ്യുന്നുണ്ട്.പ്രതി മണികണ്ഠനും പിടിയിലായെന്നാണ് സൂചന.
ആറു പേരാണ് കൊലപാതകം നടത്തിയത് എന്നാണ് വിവരം. മറ്റുള്ള പ്രതികള്ക്കായി തിരച്ചില് ഊര്ജിതമാക്കിയെന്നും പൊലീസ് പറഞ്ഞു. പ്രതികള് സഞ്ചരിച്ചിരുന്ന വാഹനം തിരിച്ചറിഞ്ഞുവെന്നും പൊലീസ് അറിയിച്ചു.
ശനിയാഴ്ച രാത്രി ഒന്പത് മണിയോടെ ബൈക്കിലും ഓട്ടോയിലുമായി എത്തിയ സംഘം രാജേഷിനെ വളഞ്ഞിട്ട വെട്ടുകയായിരുന്നു. രാജേഷിനെ ആദ്യം മെഡിക്കല് കോളജ് ആശുപത്രിയിലും പിന്നീട് സ്വകാര്യ ആശുപത്രിയിലും എത്തിച്ചുവെങ്കിലും ജീവന് രക്ഷിക്കാന് സാധിച്ചില്ല. സംഭവത്തില് പ്രതിഷേധിച്ചു സംസ്ഥാനത്ത് ഇന്നു ഹര്ത്താല് ആചരിക്കുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ