തിരുവനന്തപുരം: ശ്രീകാര്യത്ത് ആര്എസ്എസ് പ്രവര്ത്തകന് കൊല്ലപ്പെട്ട സംഭവത്തിലെ മുഴുവന് പ്രതികളെയും എത്രയും പെട്ടെന്ന് അറസ്റ്റ് ചെയ്തതില് കേന്ദ്ര സര്ക്കാര് മതിപ്പ് പ്രകടിപ്പിച്ചതായി മുഖ്യമന്ത്രി പിണറായി വിജയന്.
കേന്ദ്ര ആഭ്യന്തരമന്ത്രി രാജ്നാഥ് സിങ് രാവിലെ ടെലിഫോണില് ബന്ധപ്പെട്ടിരുന്നു. അപ്പോഴാണ് സംഭവത്തിലെ പ്രധാന പ്രതികളെ മുഴുവന് അറസ്റ്റ് ചെയ്ത കാര്യം മുഖ്യമന്ത്രി അദ്ദേഹത്തെ ധരിപ്പിച്ചത്.
കുറ്റകൃത്യങ്ങളില് ഉള്പ്പെട്ടവര് ആരായാലും മുഖം നോക്കാതെ നടപടിയുണ്ടാകുമെന്നും മുഖ്യമന്ത്രി കേന്ദ്ര ആഭ്യന്തരമന്ത്രിയെ അറിയിച്ചു. ഈ നിലപാടിലും രാജ്നാഥ് സിങ്ങ് സംതൃപ്തി പ്രകടിപ്പിച്ചുവെന്ന് മുഖ്യമന്ത്രിയുടെ ഓഫീസ് വ്യക്തമാക്കി.
കേരളത്തിലെ രാഷ്ട്രീയ അക്രമങ്ങളുമായി ബന്ധപ്പെട്ട് മുഖ്യമന്ത്രി പിണറായി വിജയനെ ഫോണില് വിളിച്ച് വിവരങ്ങള് തിരക്കിയിരുന്നതായി ആഭ്യന്തരമന്ത്രി രാജ്നാഥ് സിങ്ങും വ്യക്തമാക്കി. രാഷ്ട്രീയ ആക്രമണങ്ങള് ജനാധിപത്യത്തില് അനുവദിക്കാന് സാധിക്കില്ല. മുഴുവന് പ്രതികളെയും നിയമത്തിനു മുന്നില് കൊണ്ടുവരുമെന്നാണ് പ്രതീക്ഷയെന്നും ആഭ്യന്തര മന്ത്രി പ്രതികരിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ