പ്രധാനമന്ത്രിയും, മുഖ്യമന്ത്രിമാരും, ഉന്നത പദവികളിലിരിക്കുന്ന മറ്റ് പ്രമുഖരുമെല്ലാം ആര്എസ്എസുകാരനാവുന്നതിനെ തത്കാലം സഹിക്കുകയല്ലാതെ മറ്റ് മാര്ഗമില്ലെന്ന് ബിജെപി നേതാവ് കെ.സുരേന്ദ്രന്. ഇവിടെ കേരളത്തില് ചിലയാളുകള് വെറുതെ കുറെ വിമര്ശനങ്ങള് ഉന്നയിക്കും. അതിന്റെ പുറത്ത് കുറെ ചര്ച്ചകള് നടക്കും. എ. പി. ജെ അബ്ദുള് കലാമിന്റെ കാര്യത്തിലും ഇതുപോലെ കുറെ പറഞ്ഞു നടന്നിരുന്നതാണെന്നും സുരേന്ദ്രന് ഫേസ്ബുക്ക് പേജില് പറയുന്നു.
ആര്. എസ്. എസ് അനുകൂലിയാണ് അബ്ദുല് കലാം എന്നതായിരുന്നു അന്നത്തെ ആക്ഷേപം. ഇന്നിപ്പോള് തനി ആര്. എസ്. എസുകാരനാണ് ഇദ്ദേഹം എന്നതാണ് ആക്ഷേപം. ഉപരാഷ്ട്രപതിയുടെ കാര്യത്തിലും അതു തന്നെ പറയും. ഇനി അടുത്ത ഒരുപാട് നാളത്തേക്ക് ഇതു തന്നെ പറയാനേ ഇക്കൂട്ടര്ക്ക് കഴിയൂ.
ഇടതു പക്ഷത്തിന് എന്തും പറയാം. കാരണം അവര്ക്ക് മേലെ ആകാശവും താഴെ ഭൂമിയും എന്നു പറയുന്നതുപോലെയാണ് അവസ്ഥ. ഇതു കേട്ട് കോണ്ഗ്രസ്സ് തുള്ളിയാല് അവരുടെ ഗതി എന്താവുമെന്ന് പറയാതെ തന്നെ അറിയാമല്ലോയെന്നും സുരേന്ദ്രന്റെ ഫേസ്ബുക്ക് പോസ്റ്റില് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ