തിരുവനന്തപുരം: ബിജെപി സംസ്ഥാന അധ്യക്ഷനും ഇനിമുതല്‍ ഉപദേശകര്‍. മൂന്ന് ഉപദേശകരെയാണ് കുമമനത്തിനായി നിയമിച്ചിരിക്കുന്നത്. സാമ്പത്തികം,മാധ്യമം,ആസൂത്രണം എന്നീ മേഖലകളിലേക്കാണ് കുമ്മനത്തിന് ഉപദേശകരെ നിയമിച്ചിരിക്കുന്നത്. ഡോ.ജി.സി ഗോപാലപിള്ള, ഹരി എസ് കര്‍ത്താ, കെ ആര്‍ രാധാകൃഷ്ണ പിള്ള എന്നിവരാണ് കുമ്മനത്തിന്റെ ഉപദേശകരായി എത്തിയിരിക്കുന്നത്.
കേന്ദ്രനേതൃത്വത്തിന്റെ നിര്‍ദേശത്തെ തുടര്‍ന്നാണ് ഉപദേശകരെ നിയമിച്ചിരിക്കുന്നത്. കുമ്മനത്തിന്റെ ഇടപെടലുകള്‍ തുടരെ തുടരെ വിവാദമുണ്ടാക്കുന്ന സാഹചര്യത്തിലാണ് ഉപദേശകരെ നിയമിക്കാന്‍ പാര്‍ട്ടി തീരുമാനിച്ചിരിക്കുന്നത്.
കുമ്മനത്തിന്റെ സാമ്പത്തിക ഉപദേഷ്ഠാവായി ചുമതലയേറ്റ ഗോപാലപിള്ള ഫാക്ടിന്റെ ചെയര്‍മാനും മാനേജിങ്ങ് ഡയറക്ടറുമായിരുന്നു. കേന്ദ്ര പദ്ധതികള്‍ സംസ്ഥാനത്തു നടപ്പിലാക്കുന്നതിനെ കുറിച്ച് വിശകലനം ചെയ്യാനാണ് ഗോപാല പിള്ളയെ നിയോഗിച്ചിരിക്കുന്നത്. കിന്‍ഫ്രയുടെ സ്ഥാപക എംഡിയായിരുന്ന ഗോപാലപിള്ള യുഡിഎഫുമായും മുസ്ലിം ലീഗ് നേതൃത്വമായും അടുത്ത ബന്ധം പുലര്‍ത്തിയ ആളായിരുന്നു.മാധ്യമ ഉപദേഷ്ടാവായി നിയമിച്ച ഹരി എസ് കര്‍ത്ത ജന്‍മഭൂമിയുടെ ചീഫ് എഡിറ്ററാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
