കിഫ്ബി കാര്യക്ഷമം: ധനമന്ത്രി

തിരുവനന്തപുരം: കേരള ഇന്‍ഫ്രാസ്‌ട്രെക്ചര്‍ ഇന്‍വസ്റ്റ്‌മെന്റ് ഫണ്ട് ബോര്‍ഡിലൂടെ് (കിഫ്ബി) ആറ് മാസം കൊണ്ട് 4,000 കോടി രൂപയുടെ പദ്ധതികള്‍ക്ക് അംഗീകാരം നല്‍കുമെന്ന് ധനമന്ത്രി തോമസ് ഐസക്ക് ബജറ്റില്‍ പ്രഖ്യാപിച്ചു. 
സ്ഥാപിച്ച ആറ് മാസം കൊണ്ട് അഭിമാനര്‍ഹമായ നേട്ടമാണ് കിഫ്ബി നേടിയത്. കേന്ദ്ര സര്‍ക്കാരിന്റെ നോട്ട് നിരോധനത്തിനെതിരേ ശക്തമായ പ്രതിരോധം സൃഷ്ടിക്കാന്‍ കിഫ്ബിയിലൂടെ സാധിക്കുമെന്നും അദ്ദേഹം. ആദ്യ വര്‍ഷം 15,000 കോടിയുടെ പദ്ധതികള്‍ക്ക് കിഫ്ബി അംഗീകാരം നല്‍കും. അടുത്ത കിഫ്ബി യോഗത്തില്‍ 11,000 കോടി രൂപയുടെ പദ്ധതിക്കാണ് സര്‍ക്കാര്‍ അനുമതി നല്‍കുക. അടുത്ത വര്‍ഷത്തോടെ 25,000 കോടി രൂപയുടെ പദ്ധതിക്കാണ് കിഫ്ബിയിലൂടെ സര്‍ക്കാര്‍ ലക്ഷ്യമിട്ടിരിക്കുന്നതെന്നും ബജറ്റില്‍ പ്രഖ്യാപനം.