ഗുരവായൂര്‍: ഗുരുവായൂര്‍ ഉത്സവത്തോടനുബന്ധിച്ച് നടന്ന ആനയോട്ട മത്സരത്തില്‍ ഗോപീകണ്ണന്‍ എന്ന ആന മുന്നിലെത്തി. 28 ആനകളാണ് മത്സരത്തില്‍ പങ്കെടുത്തത്. ഇതില്‍ മുന്നില്‍ ഓടുന്ന അഞ്ച് ആനകളെ ദേവസ്വം ബോര്‍ഡ് നറുക്കെടുപ്പിലൂടെ തെരഞ്ഞെടുക്കുകയായിരുന്നു.
ദേവദാസ്, നന്ദന്‍, ജൂനിയര്‍ വിഷ്ണു, ഗോപീകൃഷ്ണന്‍, ഗോപികണ്ണന്‍ എന്നീ ആനകളാണ് മുന്നില്‍ ഓടിയത്. ഉച്ചയ്ക്ക് 2.30 തോടെ ആനകളെ മഞ്ജുളാല്‍ പരിസരത്ത് ആനയോട്ടത്തിന് ഒരുക്കി നിര്‍ത്തിയിരുന്നു. ദേവസ്വം നാഴിക മണി മൂന്നിടച്ചതോടെ കുടമണി പാപ്പാന്മാര്‍ക്ക് കൈമാറി തുടര്‍ന്ന് മരാരുടെ ശംഖ് വിളിയോടെയാണ് മത്സരയോട്ടം ആരംഭിച്ചത്
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
