പള്‍സര്‍ സുനിയുടെ ജാമ്യാപേക്ഷ ഇന്ന് പരിഗണിക്കും
Published: 13th March 2017 10:41 AM |
Last Updated: 13th March 2017 10:41 AM | A+A A- |
കൊച്ചി: കൊച്ചിയില്‍ നടിയെ ആക്രമിച്ച കേസിലെ പ്രധാന പ്രതി പള്‍സര്‍ സുനിയുടെ ജാമ്യാപേക്ഷ കോടതി ഇന്ന് പരിഗണിക്കും. ആലുവ ഫസ്റ്റ് ക്ലാസ് മജിസ്‌ട്രേറ്റ് കോടതിയിലാണ് പള്‍സര്‍ സുനി ജാമ്യാപേക്ഷ നല്‍കിയിട്ടുള്ളത്. ഈ മാസം പത്തിന് സുനിയുടെ കസ്റ്റഡി കാലാവധി കഴിഞ്ഞിരുന്നു.
കസ്റ്റഡി കാലാവധി കഴിഞ്ഞതിനാല്‍ ജാമ്യം നല്‍കണമെന്നാവശ്യപ്പെട്ടാണ് ജാമ്യാപേക്ഷ നല്‍കിയിട്ടുള്ളത്. കേസിലെ മറ്റൊരു പ്രതിയായ ചാള്‍സിന് നേരത്തേ ജാമ്യം ലഭിച്ചിരുന്നു. സംഭവത്തില്‍ ഗൂഢാലോചന ഉണ്ടോയെന്നുള്ള കാര്യത്തില്‍ ഇതുവരെ തെളിവുകളൊന്നും ലഭിച്ചിട്ടില്ല. സുനിയുടെ ഫോണില്‍ നിന്ന് ലഭിച്ച മെമ്മറി കാര്‍ഡില്‍ നടിയുടെ ദൃശ്യങ്ങള്‍ ഉണ്ടെന്ന വിവരത്തെ തുടര്‍ന്ന് കാര്‍ഡ് ഫോറന്‍സിക് പരിശോധനയ്ക്ക് അയച്ചിരിക്കുകയാണ്. ഇതിന്റെ ഫലം പുറത്തു വന്നതിനു ശേഷമേ കുറ്റപത്രം തയാറാക്കാന്‍ സാധിക്കുകയുള്ളു.
