തിരുവനന്തപുരം: നിയമസഭാ സാമാജികര്‍ക്കായി മാത്രമായി ആന്‍ഡ്രോയ്ഡ് ഓപ്പറേറ്റിംഗ് സിസ്റ്റത്തില്‍ ഉപയോഗിക്കാവുന്ന മൊബൈല്‍ ആപ്. കേരള നിയമസഭയെന്നാണ് ആപിന്റെ പേര്. ആപ്ലിക്കേഷന്റെ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചു.
ആപ്പില്‍ സാമാജികര്‍ക്കായി സ്പീക്കറുടെ സന്ദേശം, അറിയിപ്പുകള്‍, ബില്ലുകള്‍, കമ്മിറ്റികള്‍, ഡയറക്ടറികള്‍, ബിസിനസ്, ചോദ്യോത്തരങ്ങള്‍, ഇ-ബുക്കുകള്‍,അപേക്ഷാഫോറങ്ങള്‍, ബജറ്റ്, ബുള്ളറ്റിന്‍, അന്വേഷണം, നിയമസഭാ വെബ്‌സൈറ്റ്, നിയമസഭാ ലൈബ്രറി തുടങ്ങിയവ ഉള്‍ക്കൊള്ളിച്ചിട്ടുണ്ട്.
നിയമസഭാ സാമാജികര്‍ക്കോ, സാമാജികര്‍ രേഖാമൂലം നിര്‍ദേശിക്കുന്ന പേഴ്‌സണല്‍ സ്റ്റാഫിനോ മാത്രമേ ഈ ആപ്പ് ഉപയോഗിക്കാനാവൂ. മൊബൈല്‍ നമ്പറിന്റെ അടിസ്ഥാനത്തിലാണ് ആപ്ലിക്കേഷന്‍ ഉപയോഗിക്കാനുള്ള അനുമതി നിശ്ചയിക്കുന്നത്. മൊബൈല്‍ ആപ്പ് സംബന്ധിച്ച സംശയനിവാരണത്തിന് സാമാജികര്‍ക്കായി ഹെല്‍പ്പ് ഡെസ്‌ക്കും നിയമസഭയില്‍ ഒരുക്കിയിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
