തിരുവനന്തപുരം: മന്ത്രിമാര്‍ കൂടുതല്‍ ജാഗ്രത പുലര്‍ത്തണമെന്ന് സിപിഎം. അതാത് വകുപ്പുകളുമായി ബന്ധപ്പെട്ടുയരുന്ന പ്രശ്‌നങ്ങള്‍ സമയബന്ധിതമായി പരിഹരിക്കാന്‍ മന്ത്രിമാര്‍ക്ക് കഴിയണം. പേഴ്‌സണല്‍ സ്റ്റാഫുകളെ നിരീക്ഷിക്കുന്ന കാര്യത്തില്‍ വീഴ്ച സംഭവിക്കരുതെന്നും സിപിഎം സംസ്ഥാന കമ്മിറ്റി മന്ത്രിമാര്‍ക്ക് നിര്‍ദേശം നല്‍കി.
മന്ത്രിമാരുടെ പരിപാടികള്‍ ജില്ലാ കമ്മിറ്റികളെ അറിയിക്കണം. സര്‍ക്കാരിന്റെ പ്രവര്‍ത്തനം അവലോകനം ചെയ്ത സംസ്ഥാന കമ്മിറ്റിയിലാണ് മന്ത്രിമാര്‍ കൂടുതല്‍ ജാഗ്രത പുലര്‍ത്തണമെന്ന നിര്‍ദേശം ഉയര്‍ന്നത്. ബന്ധപ്പെട്ട വകുപ്പുകളുമായുയര്‍ന്ന പ്രശ്‌നങ്ങള്‍ പരിഹരിക്കുന്നതിനും, പേഴ്‌സണല്‍ സ്റ്റാഫ് അംഗങ്ങളെ നിരീക്ഷിക്കുന്നതിനുമായി മന്ത്രിമാര്‍ കൂടുതല്‍ ദിവസം തലസ്ഥാനത്ത് ഉണ്ടാകണമെന്നും സംസ്ഥാന സമിതി നിര്‍ദേശിച്ചിട്ടുണ്ട്.
പാര്‍ട്ടിയും മന്ത്രിമാരും തമ്മിലുള്ള ബന്ധം മെച്ചപ്പെടുത്തുകയും, സെക്രട്ടറിയേറ്റില്‍ നിലനില്‍ക്കുന്ന പഴയ സമ്പ്രദായങ്ങള്‍ മാറ്റുകയും വേണം. മന്ത്ര്ിമാരുടെ പേഴ്‌സണല്‍ സ്റ്റാഫുകളുടെ കാര്യത്തിലും വേണമെങ്കില്‍ മാറ്റങ്ങള്‍ ആകാം. ഫയല്‍ നീക്കം വേഗത്തിലാക്കുന്നതിന് വിദഗ്ധരുടെ അഭിപ്രായം തേടണമെന്നും സംസ്ഥാന കമ്മിറ്റി നിര്‍ദേശിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
