തിരുവനന്തപുരം: പ്രതിപക്ഷത്തിന് രേഖകള് ചോര്ത്തി നല്കിയെന്ന ആക്ഷേപം ഡിജിപി ടിപി സെന്കുമാര് തള്ളി. പ്രതിപക്ഷത്തിന് രേഖകള് നല്കിയത് താനല്ലെന്നും പലര്ക്കും വിവരാവകാശ നിയമപ്രകാരം ലഭിച്ച രേഖകള് തനിക്കു ലഭിക്കുകയായിരുന്നെന്നും സെന്കുമാര് പറഞ്ഞു.
കഴിഞ്ഞ ദിവസം പ്രതിപക്ഷം സഭയില് ഉന്നയിച്ച രേഖകള് നേരത്തെ തന്നെ പൊതുമണ്ഡലത്തില് വന്നവയാണ്. ഹൈക്കോടതിയിലും സുപ്രീം കോടതിയിലും താന് നല്കിയ സത്യവാങ്മൂലങ്ങളുടെ ഭാഗമായിരുന്നു അവ. പലര്ക്കും വിവരാവകാശ നിയമപ്രകാരം ലഭിച്ച വിവരങ്ങള് തനിക്കു ലഭിക്കുകയായിരുന്നെന്നും സെന്കുമാര് പറഞ്ഞു.
പുനര് നിയമനം നല്കുന്നതു സംബന്ധിച്ച് സര്ക്കാരില്നിന്ന് അറിയിപ്പൊന്നും ലഭിച്ചിട്ടില്ലെന്ന് സെന്കുമാര് അറിയിച്ചു. അഞ്ചാം തീയതി കേസ് സുപ്രീം കോടതിയുടെ പരിഗണനയ്ക്കു വരുന്നുണ്ട്. കേസുമായി മുന്നോട്ടുപോവാന് തന്നെയാണ് തീരുമാനമെന്നും അദ്ദേഹം വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ