തിരുവനന്തപുരം: ടോമിന്‍ തച്ചങ്കരിയെ പൊലീസ് മേധാവിയാക്കാനുള്ള നീക്കങ്ങളാണ് പിണറായി വിജയന്‍ നടത്തുന്നതെന്ന് ബിജെപി ദേശീയ നിര്‍വാഹക സമിതി അംഗം വി.മുരളീധരന്‍. സെന്‍കുമാറിനെ ഡിജിപിയായി നിയമിക്കണമെന്നുള്ള സുപ്രീംകോടതി വിധിയുടെ അന്തഃസത്തയാണ് സര്‍ക്കാര്‍ അട്ടിമറിക്കാന്‍ ശ്രമിക്കുന്നതെന്നും മുരളീധരന്‍ ആരോപിച്ചു.
സെന്‍കുമാറിന്റെ നിയമനം നീട്ടുകൊണ്ടു പോകുന്നതിന് ഇടയില്‍ ഉന്നത പൊലീസ് ഉദ്യോഗസ്ഥരില്‍ നടത്തിയ സ്ഥാനമാറ്റം ദുരൂഹത ഉണര്‍ത്തുന്നതാണ്. അഴിമതിക്കാരനായ തച്ചങ്കരിയെ ഡിജിപിയാക്കാനാണ് മുഖ്യമന്ത്രിയുടെ ശ്രമമെന്ന് ഇപ്പോള്‍ വ്യക്തമാകുന്നതായും മുരളീധരന്‍ പറഞ്ഞു.
ഉന്നത പൊലീസ് ഉദ്യോഗസ്ഥര്‍ക്കിടയില്‍ അസ്വസ്ഥ്യമുണ്ടാക്കി മറ്റൊരു ഐപിഎസ് പോരിനാണ് സര്‍ക്കാരും സിപിഎമ്മും ശ്രമിക്കുന്നത്. പിണറായിയുടെ ധാര്‍ഷ്ട്യത്തിന് കോടതിയിട്ട പിഴ ജനങ്ങളില്‍ നിന്നും ഈടാക്കാന്‍ പാടില്ലെന്നും മുരളീധരന്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
