തിരുവനന്തപുരം: മുഖ്യമന്ത്രിക്കെതിരെ വീണ്ടും വിമര്ശനവുമായി സിപിഐ. റവന്യു വകുപ്പിന്റെ കയ്യേറ്റമൊഴിപ്പിക്കലിന് പൊതുസമൂഹത്തിന്റെ പൂര്ണ പിന്തുണയുണ്ട്. എന്നാല് കയ്യേറ്റം ഒഴിപ്പിക്കലിന്റെ ക്രെഡിറ്റ് സ്വന്തമാക്കാനാണ് മുഖ്യമന്ത്രി പിണറായി വിജയന് സര്വകക്ഷി യോഗം വിളിച്ചതെന്നാണ് സിപിഐയുടെ ആരോപണം.
സിപിഐ സംസ്ഥാന നിര്വാഹക സമിതി യോഗത്തിലാണ് മുഖ്യമന്ത്രി പിണറായി വിജയനെതിരായ വിമര്ശനം. മൂന്നാറിലെ വന്കിട കയ്യേറ്റങ്ങള് മാത്രമല്ല, ചെറുകിട കയ്യേറ്റങ്ങളും ഒഴിപ്പിക്കണമെന്നും സിപിഐ. ഒഴിപ്പില് നടപടിയുമായി റവന്യു വകുപ്പ് മുന്നോട്ട് പോകണമെന്നും സിപിഐ നിര്വാഹക സമിതി നിര്ദേശം നല്കി.
മുഖ്യമന്ത്രിക്ക് നേരെയുള്ള വിമര്ശനത്തിന് പുറമെ കോട്ടയത്ത് കേരള കോണ്ഗ്രസുമായി കൂട്ടുകെട്ടുണ്ടാക്കിയ സിപിഎം നടപടിക്കെതിരേയും സിപിഐ നിര്വാഹക സമിതിയില് വിമര്ശനം ഉയര്ന്നു. കോട്ടയത്തെ കൂട്ടുകെട്ട് രാഷ്ട്രീയ ധാര്മീകതയ്ക്ക് നിരക്കാത്തതാണ്. മാണിയെ ഇടത് മുന്നണിയിലേക്കെടുക്കുന്ന പ്രശ്നമില്ല. ഒറ്റപ്പെട്ട മാണി കൂടുതല് ദുര്ബലനാണെന്നും യോഗം വിലയിരുത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ