ഡിയര്‍ സുരേഷ് ഗോപി, പ്ലീസ് എക്‌സര്‍സൈസ് പൊളിറ്റിക്കല്‍ മച്യുരിറ്റി: പിണറായി വിജയന്‍ 

മാക്രിക്കൂട്ടം തടസ്സം നില്‍ക്കുന്നു എന്നാണദ്ദേഹം ആരോപിച്ചത്. ആരാണത്? ഏതു ഭാഷയാണത്?
ഡിയര്‍ സുരേഷ് ഗോപി, പ്ലീസ് എക്‌സര്‍സൈസ് പൊളിറ്റിക്കല്‍ മച്യുരിറ്റി: പിണറായി വിജയന്‍ 

സുരേഷ് ഗോപി എംപിയോട് രാഷ്ട്രീയ പക്വതപരിശീലിക്കാന്‍
മുഖ്യമന്ത്രി പിണറായി വിജയന്റെ ഉപദേശം. കഴിഞ്ഞ ദിവസം മുംബൈയില്‍ സുരഷ് ഗോപി മുഖ്യമന്ത്രിക്കും സിപിഎമ്മിനുമെതിരെ
വിമര്‍ശനങ്ങള്‍ ഉന്നയിച്ചിരുന്നു. തന്നെ എംപി ഫണ്ട് വിനിയോഗിക്കാന്‍ ഇടത് വലത് മുന്നണികള്‍ സമ്മതിക്കുന്നില്ല എന്നും കണ്ണൂരിലെ രാഷ്ട്രീയ സംഘര്‍ഷങ്ങള്‍ ഒഴിവാക്കാന്‍ ശ്രമിക്കാതെ സിപ്എമ്മും പിണറായി വിജയനും അഭിനയിക്കുകായണ് എന്നുമായിരുന്നു സുരേഷ് ഗോപിയുടെ വിമര്‍ശനം. ഇതിന് മറുപടിയുമായാണ് മുഖ്യമന്ത്രി പിണറായി
വിജയന്‍ ഫേസ്ബുക്കിലെത്തിയിരിക്കുന്നത്. എം പി ഫണ്ട് വിനിയോഗിക്കാന്‍ എന്തു തടസ്സമാണുണ്ടായതെന്നും ഏതു പദ്ധതിയാണ് മുടങ്ങിയതെന്നും അദ്ദേഹം വ്യക്തമാക്കണം. 'മാക്രിക്കൂട്ടം' തടസ്സം നില്‍ക്കുന്നു എന്നാണദ്ദേഹം ആരോപിച്ചത്. ആരാണത്? ഏതു ഭാഷയാണത്? ബിജെപിക്ക് ജനപ്രതിനിധികളും തദ്ദേശ സ്ഥാപനങ്ങളിലെ ഭരണ നേതൃത്വവും ഉള്ള സംസ്ഥാനമാണ് കേരളം . അവിടങ്ങളില്‍ ദുരനുഭവമുണ്ടായോ? പിണറായി പോസ്റ്റിലൂടെ ചോദിക്കുന്നു. 

പോസ്റ്റിന്റെ പൂര്‍ണ്ണരൂപം:


Dear Suresh Gopi please exercise political maturity and commitment to the development agenda of Kerala.ബിജെപി രാജ്യസഭാംഗം സുരേഷ് ഗോപി മുംബൈയില്‍ ചെന്ന് കേരളത്തെ കുറിച്ച് നടത്തിയ പരാമര്‍ശങ്ങള്‍ ദൗര്‍ഭാഗ്യകരമാണ്.

എം പി ഫണ്ട് വിനിയോഗിക്കാന്‍ എന്തു തടസ്സമാണുണ്ടായതെന്നും ഏതു പദ്ധതിയാണ് മുടങ്ങിയതെന്നും അദ്ദേഹം വ്യക്തമാക്കണം. 'മാക്രിക്കൂട്ടം' തടസ്സം നില്‍ക്കുന്നു എന്നാണദ്ദേഹം ആരോപിച്ചത്. ആരാണത്? ഏതു ഭാഷയാണത്? ബിജെപിക്ക് ജനപ്രതിനിധികളും തദ്ദേശ സ്ഥാപനങ്ങളിലെ ഭരണ നേതൃത്വവും ഉള്ള സംസ്ഥാനമാണ് കേരളം . അവിടങ്ങളില്‍ ദുരനുഭവമുണ്ടായോ?

കണ്ണൂരിലെ സമാധാന ശ്രമങ്ങള്‍ നാടകമാണ് എന്നാരോപിക്കുമ്പോള്‍ സമാധാന ചര്‍ച്ചയില്‍ പങ്കാളികളായ ബി ജെ പി കേരള നേതൃത്വം അഭിനയിക്കുകയാണ് എന്നാണോ ഉദ്ദേശിക്കുന്നത്? സ്വന്തം പാര്‍ട്ടിയെക്കുറിച്ചെങ്കിലും അവശ്യം വിവരങ്ങള്‍ സ്വായത്തമാക്കാന്‍ ശ്രമിക്കുന്നതു കൊണ്ടാണോ ഈ പ്രസ്താവന എന്ന് വിശദീകരിക്കേണ്ടത് അദ്ദേഹം തന്നെയാണ്.

എം പി ഫണ്ട് വിനിയോഗിക്കാന്‍ ഏതു തടസ്സമുണ്ടായാലും അത് പരിഹരിച്ച് വികസന പദ്ധതികള്‍ നടപ്പാക്കാന്‍ സുരേഷ് ഗോപിക്ക് സര്‍ക്കാരിന്റെ സഹായമുണ്ടാകും.

അടിസ്ഥാന രഹിതമായ ആരോപണങ്ങളുന്നയിക്കുന്നതിന് പകരം, സംസ്ഥാനത്ത് ഏതു ഭാഗത്ത്, എന്തു പദ്ധതിയാണ് ഉദ്ദേശിക്കുന്നത് എന്ന് വ്യക്തമാക്കി ക്രിയാത്മകമായി പ്രതികരിക്കാന്‍ അദ്ദേഹം തയാറാകും എന്ന് പ്രതീക്ഷിക്കുന്നു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com