മുംബൈ: പാകിസ്ഥാനില് അറസ്റ്റിലായ മുംബൈ സ്വദേശി ഷെയ്ഖ് നബി, നിരോധിത സംഘടനയായ സ്റ്റുഡന്റ് ഇസ്ലാമിക് മൂവ്മെന്റ് ഇന്ത്യയുമായി ബന്ധമുള്ളയാളാണെന്ന് സുരക്ഷാ ഏജന്സികള്. മഹാരാഷ്ട്രാ ഭീകര വിരുദ്ധ സ്ക്വാഡിന്റെ നിരീക്ഷണത്തിലായിരുന്നു ഇയാള്. ആവശ്യമില്ലാത്ത രേഖകളില്ലാത്തതിന്റെ പേരില് ഇസ്ലാമാബാദില് വെച്ച് ഇയാള് അറസ്റ്റിലാവുകയായിരുന്നു.
ദുബായില് ജോലിക്കു പോകുന്നുവെന്നാണ് ഷെയ്ഖ് നബി വീട്ടില്നിന്ന് ഇറങ്ങിയപ്പോള് പറഞ്ഞത്. മുംബൈ വിമാനത്താവളത്തിലേക്കു കൂടെപ്പോന്ന സഹോദരനെ വഴിക്കുവച്ച് കാറില്നിന്ന് ഇറക്കിവിടുകയും ചെയ്തു. പിന്നീടു നടത്തിയ അന്വേഷണത്തിലാണ് ഇയാള് ജമ്മു വഴി പാക്കിസ്ഥാനിലെത്തിയതായി വ്യക്തമാകുന്നത്.
എന്നാല് ഇയാളെ അറസ്റ്റ് ചെയ്ത വിവരം അറിയിച്ചില്ലെന്ന് ഇന്ത്യ അറിയിച്ചു. ഇയാള്ക്ക് നയതന്ത്ര സഹായം നല്കണമെന്നും ഇന്ത്യ ആവശ്യപ്പെട്ടിട്ടുണ്ട്. 14 ദിവസത്തെ ജുഡീഷ്യല് കസ്റ്റഡിയിലാണ് നബി മുഹമ്മദ് ഷെയ്ഖ് ഇപ്പോള്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ