ദേശീയഗെയിംസ് മെഡല്‍ ജേതാക്കള്‍ക്ക് ഒരു മാസത്തിനകം ജോലി നല്‍കുമെന്ന് മന്ത്രി മൊയ്തീന്‍

ദേശീയ ഗെയിംസില്‍ മെഡല്‍ നേടിയ 68 കായികതാരങ്ങള്‍ക്ക് ഒരു മാസത്തിനകം ജോലിനല്‍കുമെന്ന് കായിക മന്ത്രി എസി മൊയ്തീന്‍ - സംസ്ഥാനത്തെ മുഴുവന്‍ കായികതാരങ്ങള്‍ക്കും ഇന്‍ഷുറന്‍സ് പരിരക്ഷ ഏര്‍പ്പെടുത്തും
ദേശീയഗെയിംസ് മെഡല്‍ ജേതാക്കള്‍ക്ക് ഒരു മാസത്തിനകം ജോലി നല്‍കുമെന്ന് മന്ത്രി മൊയ്തീന്‍

തൃശൂര്‍: ദേശീയ ഗെയിംസില്‍ മെഡല്‍ നേടിയ 68 കായികതാരങ്ങള്‍ക്ക് ഒരു മാസത്തിനകം ജേതാക്കള്‍ക്ക്  ജോലി നല്‍കുമെന്ന് കായിക മന്ത്രി എസി മൊയ്തീന്‍. തൃശൂരില്‍ ഓപ്പറേഷന്‍ ഒളിമ്പിയ പദ്ധതി ഉദ്ഘാടനം ചെയ്യുകയായിരുന്നു അദ്ദേഹം. കൂടാതെ സംസ്ഥാനത്തെ മുഴുവന്‍ കായികതാരങ്ങള്‍ക്കും ഇന്‍ഷുറന്‍സ് പരിരക്ഷ ഏര്‍പ്പെടുത്തുമെന്നും മന്ത്രി പറഞ്ഞു.

കായിക കേരളത്തിന്റെ മുന്നേറ്റത്തിന് സാധ്യമായ ഇടപെടല്‍ സര്‍ക്കാര്‍ നടത്തും. പണമില്ലെന്ന കാരണം കായികരംഗത്തെ വികസനത്തിന് തടസമാകില്ലെന്നും മന്ത്രി പറഞ്ഞു. ലോക കായിക മേളയില്‍ ഇന്ത്യക്കായി മെഡല്‍ നേടുന്ന കായികതാരങ്ങളെ വാര്‍ത്തെടുക്കുന്നതിനാണ് പ്രഥമ പരിഗണനയെന്നും മന്ത്രി പറഞ്ഞു. 

ഫുട്‌ബോള്‍താരം സി കെ വിനീതിനെ ഏജീസ് ഓഫീസിലെ ജോലിയില്‍ തിരിച്ചെടുക്കണമെന്ന സംസ്ഥാനത്തിന്റെ ആവശ്യത്തോട് അനുകൂല പ്രതികരണമല്ല കേന്ദ്രത്തിന്റെ ഭാഗത്തുനിന്നുണ്ടായത്. എന്നാല്‍, മികച്ച കായികതാരങ്ങളെ സംരക്ഷിക്കുകയെന്നതിന്റെ ഭാഗമായി വിനീതിന് കേരളസര്‍ക്കാര്‍ ജോലി നല്‍കുമെന്നും മന്ത്രി അഭിപ്രായപ്പെട്ടു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com