തിരുവനന്തരപുരം: കരുതിക്കൂട്ടിയുളള ആക്രമണമാണ് തിരുവനന്തപുരം മേയര് വി കെ പ്രശാന്തിന് നേരെ ഉണ്ടായത് എന്ന് മുഖ്യമന്ത്രി പിണറായി വിജയന്. ആര്എസ്എസിന്റെ നേതൃത്വത്തില് ബിജെപി കൗണ്സിലര്മാര് എന്തിന് ഇത്തരത്തിലുളള ഒരു ആക്രമണം നടത്തി എന്ന് മുഖ്യമന്ത്രി ചോദിച്ചു. ഒരു പ്രകോപനവുമില്ലാത്ത ആക്രമണമാണ് നടത്തിയത്. ബോധപൂര്വ്വം സംഘര്ഷം ഉണ്ടാക്കുകയായിരുന്നുവെന്നും മുഖ്യമന്ത്രി ആരോപിച്ചു.
സംസ്ഥാനത്തിന് ആകെ കളങ്കമുണ്ടാക്കിയ സംഭവമാണിത്.ശക്തമായ നിയമനടപടികള് സ്വീകരിക്കുമെന്നും മുഖ്യമന്ത്രി കൂട്ടിച്ചേര്ത്തു. ആശുപത്രിയില് ചികിത്സയില് കഴിയുന്ന വി കെ പ്രശാന്തിനെ സന്ദര്ശിച്ച ശേഷം മാധ്യമങ്ങളെ കാണുകയായിരുന്നു മുഖ്യമന്ത്രി.മേയറുടെ കഴുത്തിന് പിന്നിലേറ്റ പരുക്ക് ഗുരുതരമെന്ന് ഡോക്ടര്മാര് പറഞ്ഞതായും പിണറായി പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ