കൊച്ചി: കോര്‍പ്പറേറ്റ് ഭരണത്തിനും ഫാസിസ്റ്റ് വാഴ്ച്ചക്കുമെതിരെ ജനാധിപത്യ ഇന്ത്യയെ രക്ഷിക്കാന്‍ എന്ന മുദ്രാവാക്യം ഉയര്‍ത്തി ഗാന്ധി ജയന്തി ദിനമായ ഇന്ന് സംസ്ഥാന വ്യാപകമായി ജില്ലാ കേന്ദ്രങ്ങളില്‍ സമരത്തെരുവ് സംഘടിപ്പിച്ച് എഐവൈഎഫ്. സേവ് ഇന്ത്യ ചേഞ്ച് ഇന്ത്യ എന്ന മുദ്രാവാക്യം ഉയര്‍ത്തി ദേശവ്യാപകമായി നടത്തിയ ക്യാമ്പയിനിന്റെ ഭാഗമായാണ് എഐവൈഎഫ് എല്ലാ ജില്ലാ കേന്ദ്രങ്ങളിലും സമരത്തെരുവ് സംഘടിപ്പിച്ചത്. സമരത്തെരുവിന്റെ ഭാഗമായി ബീഫ് ഫെസ്റ്റിവലുകളും കലാ,സാഹിത്യ സദസ്സുകളും സംഘടിപ്പിച്ചിരുന്നു.
തിരുവനന്തപുരത്ത് സിപിഐ ദേശീയ കൗണ്‍സില്‍ അംഗം സി ദിവാകരന്‍ എംഎല്‍എയും, കൊല്ലത്ത് സിപിഐ സംസ്ഥാന അസിസ്റ്റന്റ് സെക്രട്ടറി കെ പ്രകാശ് ബാബുവും, പത്തനംതിട്ടയില്‍ സിപിഐ ജില്ലാ സെക്രട്ടറി എ പി ജയനും, ആലപ്പുഴയില്‍ സിപിഐ ദേശീയ എക്‌സിക്യൂട്ടീവ് അംഗം ബിനോയ് വിശ്വവും കോട്ടയത്ത് ദേശീയ സെക്രട്ടറിയേറ്റ് അംഗം പന്ന്യന്‍ രവീന്ദ്രനുംപരിപാടി ഉദ്ഘാടനം ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
