കണ്ണൂര്: സിപിഎമ്മിനെതിരെ രാജ്യവ്യാപക പ്രക്ഷോഭം നടത്തുമെന്ന് ബിജെപി ദേശീയ അധ്യക്ഷന് അമിത് ഷാ. ദില്ലിയില് നാളെമുതല് 17വരെ എകെജി ഭവനിലേക്ക് തുടര്ച്ചയായ മാര്ച്ച് നടത്തും. എല്ലാം സംസ്ഥാന തലസ്ഥാനങ്ങളിലും യുവമോര്ച്ചയുടെ നേതൃത്വത്തില് പ്രതിഷേധ പരിപാടികള് നടത്തുമെന്നും അമിത് ഷാ പറഞ്ഞു. കേരളത്തില് നടക്കുന്ന രാഷ്ട്രീയ കൊലപാതകങ്ങളുടെ ഉത്തരവാദിത്തം മുഖ്യമന്ത്രിക്കാണെന്നും അമിത് ഷാ ആരോപിച്ചു. കണ്ണൂര് ജില്ലയില് ആര്എസ്എസ്-ബിജെപി പ്രവര്ത്തകര് കൊല്ലപ്പെടുന്നതിന്റെ പൂര്ണ ഉത്തരവാദിത്തം മുഖ്യമന്ത്രി പിണറായി വിജയനാണ്.
കേരളത്തില് സിപിഎമ്മിന്റെ മേധാവിത്തം അവസാനിച്ചാല് മാത്രമേ സമാധാനമുണ്ടാവൂ എന്നും അമിത് ഷാ അഭിപ്രായപ്പെട്ടു. അക്രമം അവസാനിപ്പിക്കണമെങ്കില് സിപിഎമ്മിനെ അധികാരത്തില് നിന്ന് പുറത്താക്കണം.
കണ്ണൂരില് ബിജെപി സംസ്ഥാന അധ്യക്ഷന് കുമ്മനം രാജശേഖരന് നടത്തുന്ന ജനരക്ഷാ യാത്ര ഉദ്ഘാടനം ചെയ്ത് സംസാരിക്കുകയായിരുന്നു അമിത് ഷാ. മുക്യമന്ത്രിയും സിപിഎം നേതാക്കളും വടക്കുനോക്കി യന്ത്രങ്ങളായി. മനുഷ്യാവാകശങ്ങള്ക്ക് വേണ്ടിയുള്ള പ്രഖ്യാപനങ്ങള് സിപിഎം അവസാനിപ്പിക്കണം, അമിത് ഷാ പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ