തിരുവനന്തപുരം: കേന്ദ്ര സര്ക്കാരിനെതിരായ പ്രതിഷേധത്തില് യുഡിഎഫിനൊപ്പം ചേരാന് തയ്യാറാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. മോദി സര്ക്കാരിനെതിരെ യോജിച്ച് പ്രക്ഷോഭം സംഘടിപ്പിക്കുന്നതിനായി ചെന്നിത്തലയ്ക്ക് കാര്യങ്ങള് മുഖ്യമന്ത്രി പിണറായി വിജയനുമായി സംസാരിക്കാമെന്ന് കോടിയേരി പറഞ്ഞു.
പൊതുധാരണയുടെ അടിസ്ഥാനത്തിലായിരിക്കണം യോജിച്ചുള്ള പ്രതിഷേധങ്ങള് സംഘടിപ്പിക്കേണ്ടത്. നോട്ട് അസാധുവാക്കല് പ്രഖ്യാപിച്ചതിന് ശേഷം കേന്ദ്രത്തിനെതിരെ യോജിച്ച സമരത്തിന് സിപിഎം തയ്യാറായിരുന്നു. എന്നാല് യുഡിഎഫ് ഏകപക്ഷീയമായി ഇതില് നിന്നും പിന്മാറുകയായിരുന്നുവെന്നും കോടിയേരി ചൂണ്ടിക്കാട്ടുന്നു.
സംസ്ഥാന സര്ക്കാരിന്റെ നിലപാടുകള്ക്കെതിരെ പ്രതിഷേധിച്ച് യുഡിഎഫ് പ്രഖ്യാപിച്ചിരിക്കുന്ന ഹര്ത്താല് അംഗീകരിക്കാന് കഴിയില്ലെന്നും കോടിയേരി പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ