കൊച്ചി:ആലൂവ സബ്ജയിലില്‍ കഴിയുന്ന നടന്‍ ദിലീപിനെ ഇടതു ജനപ്രതിനിധികള്‍ സന്ദര്‍ശിച്ചതില്‍ അപാകതയില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. കെപിഎസി ലളിത ദിലീപിനെ കണ്ടതില്‍ തെറ്റില്ലെന്നും കോടിയേരി പറഞ്ഞു.
ജയിലില്‍ ഒരാളെ പോയി കാണുന്നത് തെറ്റാണെന്ന് പറയാന്‍ കഴിയില്ല. ആര്‍ക്കും തടവുകാരെ ജയിലില്‍ പോയി കാണാം. ഞങ്ങളൊക്ക ജയിലില്‍ കിടക്കുമ്പോള്‍ പാര്‍ട്ടി വിരുദ്ധരായ പലരും കാണാന്‍ വന്നിട്ടുണ്ട്. വ്യക്തിപരമായി ബന്ധമുള്ളവര്‍ക്ക് പോയി കാണാവുന്നതാണ്. അതൊരു രാഷ്ട്രീയ പ്രശ്‌നമായി കാണേണ്ടതില്ലെന്നും കോടിയേരി വ്യക്തമാക്കി.
സംഗീത നാടക അക്കാദമിയുടെ തലപ്പത്ത് ഇരിക്കുന്ന ഒരാള്‍ ജയിലിലെത്തി ദിലീപിനെ കണ്ടതിനെതിരെ സാംസ്‌കാരിക രംഗത്തുനിന്നും വലിയ എതിര്‍പ്പുയര്‍ന്നിരുന്നു. ഇരയ്‌ക്കൊപ്പം നില്‍ക്കേണ്ടുന്ന ആളുകള്‍ വേട്ടക്കാര്‍ക്കൊപ്പമാണെന്നും ഇവര്‍ ആരോപിച്ചിരുന്നു. സിപിഎം സമ്മേളനം തുടങ്ങിയ സാഹചര്യത്തില്‍ ലളിതയ്‌ക്കെതിരെ വലിയ വിമര്‍ശനങ്ങളാണ് വനിതാ നേതാക്കള്‍ സമ്മേളനത്തില്‍ ഉന്നയിക്കുന്നത്. ഈ സാഹചര്യത്തിലാണ് സന്ദര്‍ശനത്തില്‍ തെറ്റില്ലെന്ന വിശദീകരണവുമായി പാര്‍ട്ടി സെക്രട്ടറി തന്നെ രംഗത്തെത്തിയത്
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
