കേരളം
പാലക്കാട് നഗരമധ്യത്തില് മൂന്നു നില കെട്ടിടം തകര്ന്നുവീണു, ആളുകള് കുടുങ്ങിക്കിടക്കുന്നതായി സംശയം
പാലക്കാട് നഗരമധ്യത്തില് മൂന്നു നില കെട്ടിടം തകര്ന്നുവീണു, ആളുകള് കുടുങ്ങിക്കിടക്കുന്നതായി സംശയം
പാലക്കാട്: പാലക്കാട് നഗരത്തില് മൂന്നുനില കെട്ടിടം തകര്ന്നുവീണു. മുനിസിപ്പല് ബസ് സ്റ്റാന്ഡിനോടു ചേര്ന്ന കെട്ടിടമാണ് തകര്ന്നുവീണത്. തകര്ന്ന കെട്ടിടത്തിന്റെ അവശിഷ്ടങ്ങള്ക്കിടയില്നിന്ന് അഞ്ചു പേരെ രക്ഷപ്പെടുത്തി. കൂടുതല് പേര് കുടുങ്ങിക്കിടക്കുന്നതായി സംശയം. രക്ഷാപ്രവര്ത്തനം പുരോഗമിക്കുകയാണ്.
പഴക്കം മൂലമാണ് കെട്ടിടം തകര്ന്നുവീണത് എന്നാണ് പ്രാഥമിക നിഗമനം. കടകളും ലോഡ്ജും ഈ കെട്ടിടത്തില് പ്രവര്ത്തിച്ചിരുന്നു. അഗ്നിരക്ഷാ സേനയും പൊലീസും മറ്റ് അധികൃതരും നാട്ടുകാരും ചേര്ന്നാണ് രക്ഷാപ്രവര്ത്തനം നടത്തുന്നത്.
കെട്ടിടത്തിനുള്ളില്നിന്നു പുറത്തെടുത്ത അഞ്ചു പേരുടെ നില ഗുരുതരമല്ലെന്നാണ് റിപ്പോര്ട്ടുകള്. ഇവരെ ആശുപത്രിയില് പ്രവേശിപ്പിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ