പാലക്കാട്: ചലച്ചിത്ര താരങ്ങളുടെ ഫാന്‍സ് നടത്തുന്നത് ഗുണ്ടായിസമാണെന്ന് നടന്‍ ഇന്ദ്രന്‍സ്. സിനിമകളെ തിയേറ്ററില്‍ എത്തിയും അല്ലാതെയും കൂവിത്തോല്‍പ്പിക്കുന്ന പ്രവണത അത്ര നല്ലതല്ല. മമ്മൂട്ടിയും മോഹന്‍ലാലുമുള്‍പ്പടെയുള്ള താരങ്ങള്‍ ഇത് പ്രോത്സാഹിപ്പിക്കരുതെന്നും അദ്ദേഹം പറഞ്ഞു.
പഠിക്കാനും പണിയെടുക്കാനുമാണ് ഫാന്‍സിനോട് താരങ്ങള്‍ ആവശ്യപ്പെടേണ്ടതെന്നും അദ്ദേഹം കൂട്ടിച്ചേര്‍ത്തു. പുതിയ തലമുറയിലെ താരങ്ങളെങ്കിലും ഇക്കാര്യത്തില്‍ മാതൃക കാണിക്കണമെന്നും അദ്ദേഹം ആവശ്യപ്പെട്ടു. ഫാന്‍സ് ക്ലബ്ബുകളിലേക്ക് കുട്ടികള്‍ പോകുന്നത് മാതാപിതാക്കള്‍ ശ്രദ്ധിക്കണം. പതുക്കെ പതുക്കെ കുട്ടികളെ ഗുണ്ടായിസത്തിലേക്ക് നയിക്കാനേ അത് സഹായിക്കൂവെന്നും അദ്ദേഹം പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
