കണ്ണൂര്: കണ്ണൂരില് റിസോര്ട്ട് ജീവനക്കാരന് തലയ്ക്ക് വെടിയേറ്റ് മരിച്ചു. മാതമംഗലം കക്കറ സ്വദേശി ഭരതനാണ് മരിച്ചത്. കാപ്പി മലയിലെ മഞ്ഞപ്പുല്ലിലെ റിസോര്ട്ട് ജീവനക്കാരനാണ് ഭരതന്. രാവിലെ നാട്ടുകാരാണ് മൃതദേഹം കണ്ടെത്തിയത്.
തലയ്ക്ക് വെടിയേറ്റ് റോഡിന് സമീപം കാനയില് കമിഴ്ന്ന് കിടക്കുന്ന നിലയിലാണ് ഭരതന്റെ മൃതദേഹം കണ്ടെത്തിയത്. ആളൊഴിഞ്ഞ റിസോര്ട്ടും വലിയ തോട്ടവുമാണ് ഇവിടെയുള്ളത്. ഇതിന്റെ മേല്നോട്ടക്കാരനാണ് ഭരതന്. മൃതദേഹത്തിന് സമീപത്തുനിന്നും നാടന് തോക്കും കണ്ടെടുത്തിട്ടുണ്ട്. ആലക്കോട്
പൊലീസ് സ്ഥലത്തെത്തി അന്വേഷണം ആരംഭിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ