കണ്ണൂർ: പരിയാരത്ത് ദേശീയപാതയില് കെഎസ്ആര്ടിസി ബസും ലോറിയും കൂട്ടിയിടിച്ച് 18 പേര്ക്ക് പരിക്കേറ്റു. ലോറി ഡ്രൈവറുടെ നില അതീവ ഗുരുതരമാണ്. പുലർച്ചെ 6.15ന് പരിയാരം കെകെഎന് ഗവ.ഹയര് സെക്കൻഡറി സ്കൂളിന് മുന്നിലായിരുന്നു അപകടം. കണ്ണൂരില് നിന്നും പയ്യന്നൂരിലേക്ക് പോകുകയായിരുന്ന കെഎസ്ആര്ടിസിയും തളിപ്പറമ്പ് ഭാഗത്തേക്ക് വന്ന ലോറിയുമാണ് കൂട്ടിയിടിച്ചത്.
അരമണിക്കൂറിലധികം ലോറിയുടെ കാബിനില് കുടുങ്ങിക്കിടന്ന ഡ്രൈവറെ തളിപ്പറമ്പില് നിന്നെത്തിയ അഗ്നിശമനസേന ലോറി പൊളിച്ചാണ് പുറത്തെടുത്തത്. പരിക്കേറ്റ യാത്രക്കാരെ പരിയാരം മെഡിക്കൽ കോളജിൽ പ്രവേശിപ്പിച്ചു. ലോറി ഡ്രൈവർ ഒഴിച്ച് ബാക്കിയുള്ളവരുടെ പരിക്ക് ഗുരുതരമല്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ