തിരുവനന്തപുരം: ദുരിതാശ്വാസ പ്രവര്ത്തനങ്ങള് ഏകോപിപ്പിക്കുന്നതിന്റെ ഭാഗമായി വെള്ളിയാഴ്ച വരെയുള്ള ഔദ്യോഗിക പരിപാടികള് മുഖ്യമന്ത്രി പിണറായി വിജയന് റദ്ദാക്കി.
സംസ്ഥാനത്ത് കാലവര്ഷക്കെടുതി രൂക്ഷമായി തുടരുന്ന സാഹചര്യത്തില് ദുരന്തനിവാരണ പ്രവര്ത്തനങ്ങള് മുഖ്യമന്ത്രി വിലയിരുത്തി. കര വ്യോമ നാവിക സേനകളുടേയും എന് ഡി ആര് എഫ്, കോസ്റ്റ് ഗാര്ഡ് എന്നിവയുടെയും നേതൃത്വത്തിലുള്ള രക്ഷാപ്രവര്ത്തനം ഊര്ജിതമാണെന്ന് വിലയിരുത്തി.
ഇടുക്കി ഡാമില് ജലനിരപ്പ് ഉയരുന്നതിന് അനുസരിച്ച് കൂടുതല് വെള്ളം തുറന്നു വിടേണ്ടി വരും. നിലവിലുള്ളതിനേക്കാളം മുന്നിരട്ടിയിലധികം വെള്ളം തുറന്നു വിടേണ്ടി വരുമെന്നാണ് വിലയിരുത്തല്. ഈ സാഹചര്യത്തില് പെരിയാറിലും പെരിയാറിന്റെ കൈവഴിയിലും വെള്ളം ഉയരും. ജാഗ്രതാ നിര്ദ്ദേശം മൈക്ക് അനൗണ്സ്മെന്റിലൂടെ ജനങ്ങളെ അറിയിക്കാന് മുഖ്യമന്ത്രി നിര്ദ്ദേശിച്ചു. ആവശ്യമുള്ളവരെ അടിയന്തരമായി മാറ്റി പാര്പ്പിക്കാനും മുഖ്യമന്ത്രി നിര്ദ്ദേശിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ