തിരുവനന്തപുരം; പ്രളയത്തില് തകര്ന്ന കേരളത്തെ കൈപിടിച്ചുയര്ത്താന് സഹായവുമായി തമിഴ്നാട് സര്ക്കാര് ജീവനക്കാര്. തമിഴ്നാട്ടിലെ എല്ലാ സര്ക്കാര് ജീവനക്കാരും ഒരു ദിവസത്തെ വേതനം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കും. ഏകദേശം 200 കോടി രൂപയാണ് ഇതുവഴി ദുരിതാശ്വാസ ഫണ്ടിലേക്ക് എത്തുക. ഈ മാസത്തെ ശമ്പളത്തില് നിന്നുതന്നെ പണം നല്കാനാണ് തീരുമാനമെന്ന് തമിഴ്നാട് ഗവണ്മെന്റ് എംപ്ലോയീസ് അസോസിയേഷന് (ടിഎന്ജിഇഎ) സംസ്ഥാന സെക്രട്ടറി സി. ആര്. രാജ്കുമാര് അറിയിച്ചു.
ഇതു കൂടാതെ പ്രളയബാധിതര്ക്ക് ആവശ്യമായ സഹായങ്ങളും തമിഴ്നാട് ജീവനക്കാര് എത്തിച്ചു. 4000 കിലോ അരി, ആവശ്യമരുന്നുകള്, കുട്ടികള്ക്കായി ഉടുപ്പുകള്, ബെഡ്ഷീറ്റ്, സാരികള്, ജാക്കറ്റുകള് എന്നിവയും എത്തിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ