തൃശൂര്: ട്രയിനില് കൊണ്ടുപോകുകയായിരുന്ന നായ അക്രമാസക്തനായപ്പോള് പേടിച്ച ഗാര്ഡ് ഓടിത്തുടങ്ങിയ ട്രയിനില് നിന്ന് വീണു. ട്രയിന് നൂറ് മീറ്ററോളം ഗാര്ഡിനെ വലിച്ചുകൊണ്ടു പോയി. തിരുവനന്തപുരം പരശുറാം എക്സ്പ്രസിലെ ഗാര്ഡ് ഷൊര്ണൂര് ഡിപ്പോയിലെ സിപി രാമസ്വാമിയാണ് അപകടത്തില്പ്പെട്ടത്. കാര്യമായ പരുക്കേല്ക്കാതെ ഇദ്ദേഹം രക്ഷപ്പെട്ടു.
തിരുവനന്തപുരത്തേക്കുള്ള യാത്രക്കാരി നായയെ കൊണ്ടുപോകാന് ബൂക്ക് ചെയ്തിരുന്നു. ഈ നായയെ ഗാര്ഡ് റൂമിനോട് ചേര്ന്നുള്ള കൂട്ടില് കയറ്റുകയും ചെയ്തു. ചാലക്കുടിയിലെ ദുരിതാശ്വാസ ക്യാംപിലേക്കുള്ള സാമഗ്രികള് കയറ്റിയത് പരിശോധിച്ച് രാമസ്വാമി ഗാര്ഡ് റൂമില് കയറിയപ്പോള് ആക്രമാസക്തനായ നായ കൂട്ടിലെ കമ്പികള് കടിച്ച് പൊട്ടിക്കുകയായിരുന്നു.
ഭയന്നുപിന്നോട്ടാഞ്ഞ രാമസ്വാമി പ്ലാറ്റ്ഫോമിലേക്ക് വീണു. കാല് ബാലന്സ് ചെയ്യാതെ വീണ അദ്ദേഹത്തെ ട്രയിന് വലിച്ചുപോകുന്നത് കണ്ട് യാത്രക്കാര് അപായച്ചങ്ങല വലിച്ചാണ് ട്രയിന് നിര്ത്തിച്ചത്. ഇവിടെ നിന്ന് മറ്റൊരു ഗാര്ഡിനെ നിയോഗിച്ച ശേഷമാണ് ട്രയിന് യാത്ര തുടര്ന്നത്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ