തിരുവനന്തപുരം: ശബരിമല വിഷയത്തില്‍ മൂന്ന് യുഡിഎഫ് എംഎല്‍എമാര്‍ നിയമസഭ കവാടത്തില്‍ നടത്തുന്ന അനിശ്ചിതകാല സത്യഗ്രഹ സമരം രണ്ടാം ദിവസത്തിലേക്ക് കടന്നു. വി എസ് ശിവകുമാര്‍, പാറക്കല്‍ അബ്ദുള്ള, പ്രൊഫസര്‍ എന്‍ ജയരാജ് എന്നിവരാണ് സമരം നടത്തുന്നത്.
സത്യാഗ്രഹം ഇരിക്കുന്ന എംഎല്‍എമാരെ ഇന്നലെ രാത്രി സ്പീക്കര്‍ സന്ദര്‍ശിച്ചു. ശബരിമലയിലെ നിരോധനാജ്ഞ പിന്‍വലിക്കുക, അടിസ്ഥാന സൗകര്യങ്ങള്‍ ഏര്‍പ്പെടുത്തുക തുടങ്ങിയ ആവശ്യങ്ങള്‍ ഉന്നയിച്ചാണ് സമരം. ഇന്നലെ ചേര്‍ന്ന യുഡിഎഫ് പാര്‍ലമെന്ററി പാര്‍ട്ടി യോഗമാണ് സത്യഗ്രഹ സമരം നടത്താന്‍ തീരുമാനിച്ചത്.
നിയമസഭയില്‍ ഇന്നും യുഡിഎഫ് ശബരിമലപ്രശ്‌നം ഉന്നയിക്കാനാണ് സാധ്യത. ശബരിമല വിഷയത്തില്‍ കഴിഞ്ഞ നാല് ദിവസവും തുടര്‍ച്ചയായി പ്രതിപക്ഷം സഭ സ്തംഭിപ്പിച്ചിരുന്നു. എന്നാല്‍ സമരം ബിജെപിയും യുഡിഎഫും തമ്മിലുള്ള ഒത്തുകളിയാണെന്നാണ് മുഖ്യമന്ത്രി ആരോപിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
