തിരുവനന്തപുരം: സമുദായ സംഘടനകളുടെ സഹായത്തോടെ സര്‍ക്കാര്‍ സംഘടിപ്പിക്കുന്ന വനിതാ മതിലിനെ പ്രതിരോധിക്കാന്‍ ശബരിമല കര്‍മ്മസമിതിയുടെ നേതൃത്വത്തില്‍ അയ്യപ്പജ്യോതി തെളിക്കും. ഡിസംബര്‍ 26ന് മഞ്ചേശ്വരം മുതല്‍ പാറശ്ശാല വരെയായിരിക്കും അയ്യപ്പജ്യോതി തെളിക്കുകയെന്ന് അയ്യപ്പസമിതി നേതാക്കള്‍ പറഞ്ഞു. ജനുവരി ഒന്നിനാണ് നവോത്ഥാ മൂല്യങ്ങള്‍ സംരക്ഷിക്കുന്നതിനായില്‍ സര്‍ക്കാര്‍ നേതൃത്വത്തില്‍ വനിതാ മതില്‍ സംഘടിപ്പിക്കുന്നത്. 30 ലക്ഷത്തിലധികം വനിതകള്‍ പങ്കെടുക്കുമെന്നാണ് സംഘാടകസമിതി നേതാക്കള്‍ വ്യക്തമാക്കിയത്.
സര്‍ക്കാര്‍ നേതൃത്വത്തിലുള്ള വനിത മതിലിന് മുന്നോടിയായാണ് ശബരിമല കര്‍മ്മസമിതി പ്രവര്‍ത്തകര്‍ അയ്യപ്പജ്യോതി തെളിക്കുന്നത്. ലക്ഷക്കണക്കിന് ഭക്തര്‍ അയ്യപ്പജ്യോതിയില്‍ പങ്കെടുക്കുമെന്നാണ് കര്‍മ്മസമിതിയുടെ വിലയിരുത്തല്‍. കര്‍മ്മസമിതിയുടെ എല്ലാ പ്രവര്‍ത്തനങ്ങള്‍ക്കും പാര്‍ട്ടി പിന്തുണ നല്‍കുമെന്ന് പിഎസ് ശ്രീധരന്‍പിള്ള ഇന്ന് മാധ്യമങ്ങളോട് പറഞ്ഞിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
