തിരുവനന്തപുരം; തിരുവനന്തപുരത്തേക്ക് വരാന് മുംബൈ വിമാനത്താവളത്തിലെത്തിയ തന്നെ ചെന്നൈയിലേക്കുള്ള വിമാനത്തില് കയറ്റിവിട്ടതായി കേന്ദ്രമന്ത്രി അല്ഫോണ്സ് കണ്ണന്താനം. തിരുവനന്തപുരത്ത് വെച്ച് നടന്ന ഒരു പരിപാടിക്കിടെയാണ് തനിക്കുണ്ടായ അനുഭവത്തെക്കുറിച്ച് കണ്ണന്താനം പറഞ്ഞത്. കേന്ദ്രമന്ത്രിയായതിനാല് ചെന്നൈയില് എത്തിയ ശേഷം പെട്ടെന്ന് തനിക്ക് തിരുവനന്തപുരത്തേക്കുള്ള ടിക്കറ്റ് ലഭിച്ചെന്നും എന്നാല് സാധാരണക്കാരനാണെങ്കില് ഈ സൗകര്യം ലഭിക്കില്ലായിരുന്നു എന്നും അദ്ദേഹം കൂട്ടിച്ചേര്ത്തു.
പ്രോട്ടോകോള് ഓഫീസറടക്കം സര്വ സന്നാഹങ്ങളോടെയാണ് കണ്ണന്താനം മുംബൈ വിമാനത്താവളത്തില് എത്തിയത്. എന്നാല് ശ്രദ്ധിക്കാതെ തിരുവനന്തപുരത്തേക്ക് പോകേണ്ട തന്നെ ചെന്നൈയിലേക്കുള്ള വിമാനത്തില് കയറ്റിവിടുകയായിരുന്നു. പൊട്ടിത്തെറിക്കുന്നതിന് പകരം ചിരിച്ചുകൊണ്ടാണ് താന് ഇതിനെ കൈകാര്യം ചെയ്തതെന്നും അദ്ദേഹം പറഞ്ഞു.
ചെന്നൈയിലെത്തിയ ശേഷം അവിടത്തെ വിമാനത്താവളത്തിലെ സിഐഎസ്എഫ് ഉദ്യോഗസ്ഥര് പെട്ടെന്നു തന്നെ ബോര്ഡിങ് പാസ് തയാറാക്കി തിരുവനന്തപുരത്തേക്കുള്ള ഇന്ഡിഗോ വിമാനത്തിലെ വിഐപി സീറ്റില് യാത്രസൗകര്യം ഒരുക്കി. സാധാരണക്കാരനാണെങ്കില് ഈ സൗകര്യം ലഭിക്കില്ലായിരുന്നെന്നും അതിനാല് ഇത്തരം കാര്യങ്ങളില് വിമാനകമ്പനികള് കൂടുതല് ശ്രദ്ധ ചെലുത്തണം എന്നും അദ്ദേഹം കൂട്ടിച്ചേര്ത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ