തിരുവനന്തപുരം: ന്യായവിലയുടെ പകുതി നൽകിയാൽ നിലം നികത്താൻ അനുവദിക്കുന്ന പുതിയ ചട്ടം റവന്യൂവകുപ്പ് പുറത്തിറക്കി.
കഴിഞ്ഞ ജൂണിൽ നിയമസഭ അംഗീകരിച്ച നെൽവയൽ തണ്ണീർത്തടം നിലം നികത്തൽ നിയമഭേദഗതിയുടെ ചുവടുപിടിച്ചാണ് പുതിയ ചട്ടം തയാറാക്കിയത്.
2008 ലെ നിലംനികത്തൽ നിയമത്തിലെ വ്യവസ്ഥകൾക്ക് അനുസരിച്ച് വില്ലേജുകൾ തയാറാക്കിയ നെൽവയൽ തണ്ണീർത്തടങ്ങളുടെ ഡാറ്റാ ബാങ്കിൽ ഉൾപ്പെടുത്താത്ത നിലങ്ങൾ നികത്താൻ ആർഡിഒക്ക് അനുമതി നൽകാം. വില്ലേജ് ഓഫീസറുടെ സാക്ഷ്യപത്രവും പ്രാദേശികനിരീക്ഷണ സമിതിയുടെ റിപ്പോർട്ടും അനുസരിച്ച് ആവശ്യമെന്ന് തോന്നുന്ന പക്ഷം നേരിട്ട് സ്ഥലപരിശോധന നടത്തിയുമാണ് നിലംനികത്താൻ ആർഡിഒ അനുമതി നൽകേണ്ടത്. അപേക്ഷയോടൊപ്പം പഞ്ചായത്തുകളിൽ ന്യായവിലയുടെ 30 ശതമാനവും പട്ടണങ്ങളിൽ 40 ശതമാനവും നഗരങ്ങളിൽ 50 ശതമാനവും ഫീസായി കെട്ടിവയ്ക്കണം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
