കൊച്ചി: 2019 ഹർത്താൽ വിരുദ്ധ വർഷമായി പ്രഖ്യാപിക്കാന്‍ ഹര്‍ത്താല്‍ വിരുദ്ധ കൂട്ടായ്മയുടെ തീരുമാനം. ഹർത്താലിനോട് സഹകരിക്കില്ലെന്ന് വ്യാപാരി സംഘടനകൾ ഇന്ന് ചേർന്ന യോഗത്തിൽ അറിയിച്ചു. മിന്നൽ ഹർത്താലുകൾ അംഗീകരിക്കില്ലെന്നും ബസുകളും ലോറികളും ടാക്സി ഓട്ടോ വാഹനങ്ങളും ഹർത്താൽ ദിനത്തിൽ ഓടിക്കുമെന്നും യോഗത്തിൽ തീരുമാനമായി.
ഹർത്താൽ ദിനത്തിൽ കടകൾ തുറക്കാനും ഇന്ന് ചേര്‍ന്ന വ്യാപാരി സംഘടനകളുടെ യോഗത്തില്‍ തീരുമാനമായി. ഹർത്താൽ ദിനത്തിൽ പൊലീസ് മതിയായ സംരക്ഷണം നൽകണമെന്നും യോഗം ആവശ്യമുന്നയിച്ചു. ഹർത്താലുകൾക്ക് മാധ്യമങ്ങൾ പ്രാധാന്യം നൽകരുതെന്നും കോഴിക്കോട് ചേര്‍ന്ന് യോഗത്തിന് ശേഷം ഹര്‍ത്താല്‍ വിരുദ്ധ കൂട്ടായ്മ പറഞ്ഞു.
ജനുവരി 8,9 തിയതികളിലെ ഹർത്താലിൽ നിന്ന് കേരളത്തെ ഒഴിവാക്കണമെന്നും ഹർത്താലിനെതിരെ കോടതിയെ സമീപിക്കുമെന്നും സംഘടന അറിയിച്ചു. 64 സംഘടനകളാണ് ഇന്ന് കോഴിക്കോടും കൊച്ചിയിലുമായി യോഗം ചേർന്നത്. ദേശീയ പണിമുടക്കിൽ തീരുമാനം പിന്നീട് അറിയിക്കുമെന്നും അവര്‍ വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
