അടൂര്‍: സംസ്ഥാന സര്‍ക്കാരിന്റെ വിന്‍വിന്‍ ലോട്ടറിയില്‍ ഒന്നാം സമ്മാനവും സമാശ്വാസ സമ്മാനങ്ങളും ബംഗാളി യുവാവിന്. അടൂര്‍ വടക്കടത്തുകാവില്‍ കരാര്‍ജോലി ചെയ്യുന്ന ബബുലു ബര്‍മനാണ് (28) ബംപര്‍ കടാക്ഷം. വിന്‍വിന്‍ ലോട്ടറിയുടെ ഒന്നാംസമ്മാനമായ 65 ലക്ഷം രൂപയും കൂടെയെടുത്ത നാലു ടിക്കറ്റിന് 8000 രൂപവീതമുള്ള നാല് സമാശ്വാസസമ്മാനവുമാണ് ബബുലുവിന് ലഭിച്ചത്.
പശ്ചിമബംഗാള്‍ കച്ചുവ സ്വദേശിയായ ബബുലു എട്ടു വര്‍ഷമായി അടൂരില്‍ ജോലി ചെയ്യുന്നു. അവിവാഹിതനാണ്. ജോലി കഴിഞ്ഞ് അടൂര്‍ നഗരത്തിലെത്തുന്ന ബബുലു സ്ഥിരമായി ടിക്കറ്റെടുത്തിരുന്നു.
സമ്മാനം ലഭിച്ചതറിഞ്ഞു ബബുലു ആദ്യമെത്തിയത് അടൂര്‍ പൊലീസ്‌സ്‌റ്റേഷനിലാണ്. അവിടെയെത്തി ടിക്കറ്റുകള്‍ ബാങ്കില്‍ നല്‍കാന്‍ പൊലീസിന്റെ സഹായം തേടി. പൊലീസ് അടൂര്‍ എസ്.ബി.ഐ. ശാഖാമാനേജരെ സ്‌റ്റേഷനിലേക്കു വിളിച്ചുവരുത്തി ബബുലുവിന് ടിക്കറ്റിന്റെ സമ്മാനം കിട്ടുന്നതിനുള്ള ക്രമീകരണമൊരുക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
