ആലുവ: വനിതാ മതിലിനെയും മുഖ്യമന്ത്രിയെയും വിമര്‍ശിച്ച് പിസി ജോര്‍ജ്. ജനുവരി ഒന്നിന് എല്‍ഡിഎഫ് സംഘടിപ്പിക്കുന്ന വനിതാമതില്‍ പൊളിയുമെന്നാണ് പിസി ജോര്‍ജ് പറഞ്ഞത്. ആലുവയില്‍ അയ്യപ്പ ഭക്ത ജനസമിതി സംഘടിപ്പിച്ച ചടങ്ങില്‍ പങ്കെടുക്കാന്‍ എത്തിയപ്പോളാണ് പിസി ജോര്‍ജിന്റെ പ്രസ്താവന.
ശബരിമലയില്‍ സ്ത്രീകളെ കയറ്റുന്ന മുഖ്യമന്ത്രിയായല്ല, മറിച്ച് കേരളത്തിലെ ഇടതുപക്ഷത്തിന്റെ അവസാന മുഖ്യമന്ത്രിയായാണ് പിണറായി അറിയപ്പെടുകയെന്നും പിസി ജോര്‍ജ് പരിഹസിച്ചു. വെള്ളാപ്പള്ളിയുടേത് പ്രായാധിക്യത്താല്‍ പറയുന്ന മണ്ടത്തരങ്ങളെന്നും പിസി ജോര്‍ജ്ജ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
