തിരുവനന്തപുരം: ക്രിസ്മസ് അവധി കഴിഞ്ഞ് നാളെ (ഡിസംബര് 31 തിങ്കളാഴ്ച) സ്കൂളുകള് തുറക്കില്ലെന്ന വ്യാജ വാട്സ്ആപ്പ് സന്ദേശം വ്യാപകമായി പ്രചിരിക്കുന്നുണ്ട്. എന്നാല് ഇത് വ്യാജമാണെന്നും നാളെ തന്നെ സ്കൂളുകള് തുറക്കുമെന്നും അധികൃതര് തന്നെ അറിയിച്ചു.
പ്ലസ്ടു വരെയുള്ള കുട്ടികള്ക്ക് ക്രിസ്മസ് അവധി കഴിഞ്ഞ് ഡിസംബര് 31നാണ് സ്കൂള് തുറക്കുന്നത്. ഇത് ജനുവരി ഒന്നിലേക്ക് മാറ്റിയതായാണ് വാട്സ്ആപ്പ് സന്ദേശങ്ങളില് പറയുന്നത്. വെക്കേഷന് ദിനങ്ങള് പത്ത് ദിവസം തികയ്ക്കാനാണ് ഒരു ദിവസം കൂടി അവധി നല്കുന്നതെന്നും സന്ദേശത്തില് പറയുന്നുണ്ട്.
എന്നാല് ഇത്തരം സന്ദേശങ്ങള്ക്ക് യാതൊരു അടിസ്ഥാനവുമില്ലെന്നും സ്കൂളുകള് നാളെ തന്നെ തുറക്കുമെന്നും അധികൃതര് വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ