കൊച്ചി: സംസ്ഥാന ധനമന്ത്രി തോമസ് ഐസക്കിനേയും കവയത്രികളേയും അധിക്ഷേപിച്ച് കെപിസിസി പ്രസിഡന്റ് എംഎം ഹസന്‍. ബജറ്റ് പ്രസംഗത്തില്‍ എന്തുകൊണ്ടാണ് എഴുത്തുകാരികളുടെ കൃതികള്‍ മാത്രം ഐസക് ഉള്‍പ്പെടുത്തിയതെന്ന് മനസിലാകുന്നില്ല. വീട്ടമ്മയില്ലാത്ത വീട്ടിലിരുന്ന് ബജറ്റ് തയ്യാറാക്കിയതാകാം ഇതിന് കാരണം. സാറാ ജോസഫ്, കെ ആര്‍ മീര, വത്സല, ലളിതാംബിക അന്തര്‍ജനം തുടങ്ങിയ പഴയതും പുതിയതുമായ എഴുത്തുകാരികളുടെ വരികള്‍ മാത്രമാണ് ബജറ്റില്‍ ഉപയോഗിച്ചത് എന്നും ഹസന്‍ പറഞ്ഞു.
കേരളാ മുനിസിപ്പല്‍ ആന്‍ഡ് കോര്‍പറേഷന്‍ വര്‍ക്കേഴ്‌സ് കോണ്‍ഗ്രസ്(ഐഎന്‍ടിയുസി) സംസ്ഥാന സമ്മേളനം ഉദ്ഘാടനം ചെയ്തുകൊണ്ടാണ് ഹസന്റെ അധിക്ഷേപം നിറഞ്ഞ പരാമര്‍ശമുണ്ടായത്.
സാഹിത്യം കലര്‍ന്ന ഐസക്കിന്റെ ബജറ്റ് പ്രസംഗം ട്രോളുകള്‍ ഏറ്റുവാങ്ങിയിരുന്നു. എന്നാല്‍ സ്ത്രീകളെ അപമാനിക്കുന്ന തരത്തില്‍ വിഷയം മാറ്റിയിരിരക്കുകയാണ് കെപിസിസി പ്രസിഡന്റ്.
.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
