തൃശൂര്: ഇന്ത്യയിലെ ഏക അഴിമതിരഹിത രാഷ്ട്രീയശക്തി കമ്യൂണിസ്റ്റ് പ്രസ്ഥാനമാണെന്ന് ദളിത് ചിന്തകന് കാഞ്ച ഐലയ്യ. പശ്ചിമ ബംഗാള്, ത്രിപുര, കേരളം എന്നീ സംസ്ഥാനങ്ങളിലെ ഇടത് ഭരണത്തില് ഈ സവിശേഷത കാണാമെന്നും അദ്ദേഹം പറഞ്ഞു. ബിജെപി സര്ക്കാരിന്റെ ജാതി മേല്ക്കോയ്മയ്ക്കും വര്ഗീയതക്കുമെതിരെ സമരം ചെയ്യാന് കമ്മ്യൂണിസ്റ്റുകാര്ക്ക് മാത്രമെ കഴിയൂവെന്നും അദ്ദേഹം കൂട്ടിച്ചര്ത്തു. സിപിഎം സംസ്ഥാന സമ്മേളനത്തിന്റെ ഭാഗമായി തൃശൂരില് സംഘടിപ്പിച്ച 'ജാതി വ്യവസ്ഥയും ഇന്ത്യന് സമൂഹവു'മെന്ന സെമിനാറില് സംസാരിക്കുകയായിരുന്നു അദ്ദേഹം.
ഭരണഘടനയെ തകര്ക്കുന്നതിലൂടെ വര്ണവ്യവസ്ഥ നടപ്പാക്കാനാണ് സംഘപരിവാര് ശ്രമിക്കുന്നത്. ഇതിനെതിരെ ശക്തമായ പ്രതിരോധം ഉയര്ന്നുവരണം. ഇതിനായി കമ്യൂണിസ്റ്റുകാരുടെയും ദളിത് സംഘടനകളുടെയും ഐക്യം രൂപപ്പെടണമെന്നും അദ്ദേഹം കൂട്ടിച്ചേര്ത്തു. സിപിഎമ്മിന് ഇക്കാര്യത്തില് നേതൃപരമായ പങ്ക് വഹിക്കാനാകുമെന്നും കാഞ്ച ഐലയ്യ അഭിപ്രായപ്പെട്ടു.
കേരളത്തില് ദേവസ്വം ബോര്ഡിന് കീഴിലുള്ള ക്ഷേത്രങ്ങളില് ദളിത് പൂജാരികളെ നിയമിച്ചതിന് എല്.ഡി.എഫ് സര്ക്കാരിനെ അഭിനന്ദിക്കുന്നുവെന്നും അദ്ദേഹം പറഞ്ഞു.
കേരളമാണ് ഇന്ത്യക്ക് മുന്നിലുള്ള യഥാര്ഥ വികസനമാതൃക. ഗുജറാത്ത് മോഡല് പൊള്ളത്തരമാണ്. ഇരുസംസ്ഥാനങ്ങളുടെയും ശരാശരി ആയുര്ദൈര്ഘ്യവും വിദ്യാഭ്യാസ മേഖലയും താരതമ്യം ചെയ്താല് ഇത് വ്യക്തമാകും, അദ്ദേഹം കൂട്ടിച്ചേര്ത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ