കോഴിക്കോട്: മര്ക്കസ് സമ്മേളനം ബഹിഷ്കരിക്കാനുള്ള യുഡിഎഫ് തീരുമാനത്തിനെതിരെ കാന്തപുരം അബൂബക്കര് മുസലിയാര്. ലീഗിന്റെ സമ്മര്ദ്ദത്തിന് വഴങ്ങിയാണ് മര്ക്കസ് സമ്മേളനം ബഹിഷ്കരിക്കാനുള്ള കോണ്ഗ്രസ് തീരുമാനം. ബഹിഷ്കരണം ഏകപക്ഷീയമാകില്ലെന്ന് അദ്ദേഹം യുഡിഎഫ് നേതൃത്വത്തിന് മുന്നറിയിപ്പ് നല്കി
എന്നാല് യുഡിഎഫ് അത്തരമൊരു തീരുമാനമെടുത്തിട്ടില്ലെന്നായിരുന്നു പ്രതിപക്ഷനേതാവ് രമേശ് ചെന്നിത്തലയുടെ പ്രതികരണം.സമ്മേളനത്തിന് ക്ഷണിച്ചപ്പോള് തന്നെ കാന്തപുരത്തെ അസൗകര്യം അറിയിച്ചിരുന്നു. ബംഗളുരുവിലും മുംബൈയിലും പരിപാടികളുള്ളതിനാല് എത്താന് കഴിയില്ല. രാഹുല് ഗാന്ധിയുടെ ഒരു പരിപാടിയിലും പങ്കെടുക്കേണ്ടതുണ്ട്. ഇക്കാര്യങ്ങളെല്ലാം കാന്തപുരത്തെ നേരത്തെ അറിയിച്ചതാണ്. അല്ലാതെ സമ്മേളനം ബഹിഷ്കരിക്കാനൊന്നും തീരുമാനിച്ചിട്ടില്ല. എം കെ രാഘവന് അടക്കം മറ്റു യു ഡി എഫ് നേതാക്കള് സമ്മേളനത്തില് പങ്കെടുക്കുമെന്നും ചെന്നിത്തല അഭിപ്രായപ്പെട്ടിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ