സിപിഎം കോഴിക്കോട് ജില്ലാ സെക്രട്ടറിയായി പി മോഹനന്‍ തുടരും

ജില്ലാ കമ്മിറ്റിയില്‍ ഏഴുപേരെ പുതുതായി ഉള്‍പ്പെടുത്തി. 2015 ലാണ് പി മോഹനന്‍ ജില്ലാ സെക്രട്ടറിയായി തെരഞ്ഞെടുക്കപ്പെടുന്നത് 
സിപിഎം കോഴിക്കോട് ജില്ലാ സെക്രട്ടറിയായി പി മോഹനന്‍ തുടരും

കോഴിക്കോട് : സിപിഎം കോഴിക്കോട് ജില്ലാ സെക്രട്ടറിയായി പി മോഹനന്‍ തുടരും. ജില്ലാ സെക്രട്ടറി പദവിയില്‍ പി മോഹനന്റെ രണ്ടാമൂഴമാണ്. മൂന്നു തവണ സെക്രട്ടറിയായ ടി പി രാമകൃഷ്ണനെ മാറ്റിയതിനെത്തുടര്‍ന്ന് 2015 ലാണ് പി മോഹനന്‍ കോഴിക്കോട് ജില്ലാ സെക്രട്ടറിയായി തെരഞ്ഞെടുക്കപ്പെടുന്നത്. 

കോഴിക്കോട് ജില്ലാ ജില്ലാ പഞ്ചായത്ത് പ്രസിഡന്റായിരുന്നിട്ടുണ്ട് പി മോഹനന്‍. മേപ്പയ്യൂര്‍ മുന്‍ എംഎല്‍എ കെ കെ ലതിക ഭാര്യയാണ്. ജില്ലാ കമ്മിറ്റിയില്‍ ഏഴുപേരെ പുതുതായി ഉള്‍പ്പെടുത്തിയിട്ടുണ്ട്. മുസാഫര്‍ അഹമ്മദ്, കെ കെ മുഹമ്മദ്, കാനത്തില്‍ ജമീല,. പിപി ചാത്തു, കെ കെ കൃഷ്ണന്‍. ടിപി ബിനീഷ്, ഡിവൈഎഫ്‌ഐ സംസ്ഥാന ജോയിന്റ് സെക്രട്ടറി നിഖില്‍ എന്നിവരാണ് ജില്ലാ കമ്മിറ്റിയില്‍ ഇടംപിടിച്ചത്.

43 അംഗ ജില്ലാ കമ്മിറ്റിയെ എതിരില്ലാതെ തെരഞ്ഞെടുക്കുകയായിരുന്നു. പയ്യോളി മനോജ് വധക്കേസില്‍ സിബിഐ അറസ്റ്റ് ചെയ്ത ടി ചന്തുമാസ്റ്ററെ ജില്ലാ കമ്മിറ്റിയില്‍ നിലനിര്‍ത്തി. മന്ത്രി ടിപി രാമകൃഷ്ണന്റെ ഭൂരിപക്ഷം കുറഞ്ഞതില്‍ മുഖ്യമന്ത്രി പിണറായി വിജയന്‍ കഴിഞ്ഞദിവസം ജില്ലാ സമ്മേളനത്തില്‍ രൂക്ഷവിമര്‍ശനം ഉന്നയിച്ചിരുന്നു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com