മുന്നണി മാറ്റത്തിന് പിന്നില്‍ വീരന്റെ അധികാരക്കൊതിയെന്ന് പിപി തങ്കച്ചന്‍
തിരുവനന്തപുരം: യുഡിഎഫില്‍ നിന്നും ജെഡിയുവിന്റെ മുന്നണി മാറ്റം എംപി വീരേന്ദ്രകുമാറിന്റെ അധികാര കൊതിമൂലമാമെന്ന് യുഡിഎഫ് കണ്‍വീനര്‍ പിപി തങ്കച്ചന്‍. ഇതിന് പിന്നില്‍ വീരേന്ദ്രകുമാറിന്റെ വ്യക്തിതാത്പര്യമാണെന്നും തങ്കച്ചന്‍ പറഞ്ഞു.
ഡെജിയുവിന്റെ തീരുമാനം അന്തിമമാണെന്ന് കരുതുന്നില്ലെന്നും തങ്കച്ചന്‍ പറഞ്ഞു. എല്‍ഡിഎഫില്‍ നിന്നും ചവിട്ടി പുറത്താക്കിയവര്‍ക്ക് അര്‍ഹമായ സ്ഥാനം നല്‍കിയിരുന്നു. മുന്നണി ബന്ധം ഒഴിവാക്കേണ്ട സാഹചര്യം നിലനില്‍ക്കുന്നില്ലെന്നും തങ്കച്ചന്‍ പറഞ്ഞു.
ഇന്ന് ചേര്‍ന്ന ജെഡിയു യോഗത്തിലാണ് യുഡിഎഫ് വിടാനുള്ള തീരുമാനമുണ്ടായത്. പാര്‍ട്ടിയുടെ എല്ലാ ജില്ലാ പ്രസിഡന്റുമാരും ഈ തീരുമാനത്തോട് യോജിക്കുകയായിരുന്നു. എല്ഡിഎഫ് പ്രവേശം സംബന്ധിച്ച അന്തിമതീരുമാനം നാളെയുണ്ടാകും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
