കോഴിക്കോട്: കോഴിക്കോട് കോടഞ്ചേരിയില് സായുധ മാവോയിസ്റ്റ് സംഘം എത്തിയതായി റിപ്പോര്ട്ടുകള്. ഒരു സ്ത്രീയും നാലു പുരുഷന്മാരും അടങ്ങിയ സംഘം ഇവിടെ എത്തിയതായാണ് നാട്ടുകാര് പറയുന്നത്. പൊലീസ് ഇക്കാര്യം സ്ഥിരീകരിച്ചിട്ടില്ല.
കോടഞ്ചേരി മുത്തപ്പന് പുഴയ്ക്കു സമീപമുള്ള വീട്ടിലാണ് മാവോയിസ്റ്റുകള് എത്തിയത്. ഇവര് രാത്രി പത്തു മണി വരെ ഈ വീട്ടില് ചെലവഴിച്ചതായാണ് റിപ്പോര്ട്ടുകള്. അരിയും മറ്റു സാധനങ്ങളും ശേഖരിച്ച സംഘം രാത്രി മടങ്ങിയെന്ന് നാട്ടുകാര് പറയുന്നു.
അതേസമയം മാവോയിസ്റ്റുകള് എത്തിയെന്ന വാര്ത്ത പൊലീസ് സ്ഥിരീകരിച്ചിട്ടില്ല. ഇക്കാര്യത്തില് അന്വേഷണം നടത്തിവരികയാണെന്ന് പൊലീസ് പറഞ്ഞു. സ്ഥിരീകരണം ലഭിക്കുന്ന മുറയ്ക്ക് പൊലീസും തണ്ടര്ബോള്ട്ടും മേഖലയില് തെരച്ചില് നടത്തും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ