ജയ്പുര്‍: പ്രവീണ്‍ തൊഗാഡിയയ്‌ക്കെതിരെ രാജസ്ഥാനില്‍ റജിസ്റ്റര്‍ ചെയ്ത കേസ് പിന്‍വലിച്ചു. കേസ് പിന്‍വലിക്കുന്നതിനുള്ള അപേക്ഷ രാജസ്ഥാന്‍ പൊലീസ് കോടതിയില്‍ സമര്‍പ്പിച്ചു. 15 വര്‍ഷം മുന്‍പ് ഗംഗാനഗറില്‍ നിരോധനാജ്ഞ ലംഘിച്ചു പ്രകടനം നടത്തിയതിന് പൊലീസ് സ്വമേധയാ കേസ് റജിസ്റ്റര്‍ ചെയ്യുകയായിരുന്നു.
ഈ കേസിനെ തുടര്‍ന്ന് അറസ്റ്റ് വാറണ്ടുമായി രാജസ്ഥാന്‍ പൊലീസ് അഹമ്മദാബാദില്‍ എത്തിയെങ്കിലും തൊഗാഡിയ പിടികൊടുത്തിരുന്നില്ല. തുടര്‍ന്ന് അവശനിലയിലായ തൊഗാഡിയ, ആശുപത്രി വാസത്തിനു ശേഷം രാജസ്ഥാന്‍, ഗുജറാത്ത് പൊലീസുകള്‍ക്കെതിരെ രംഗത്തെത്തിയിരുന്നു. വ്യാജ ഏറ്റുമുട്ടലിലൂടെ തന്നെ വധിക്കാനുള്ള ശ്രമമാണ് നടക്കുന്നതെന്നായിരുന്നു ആരോപണം. തുടര്‍ന്നാണ് കേസ് പിന്‍വലിക്കാനുള്ള രാജസ്ഥാന്‍ പൊലീസിന്റെ തീരുമാനം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
