തിരുവനന്തപുരം: ഫോണ്കെണി വിവാദത്തില് ജാഗ്രത കുറവുണ്ടായെന്ന് എന്സിപി നേതാവും മുന് മന്ത്രിയുമായ എ കെ ശശീന്ദ്രന്. പൊതുപ്രവര്ത്തകരുടെ ജീവിതം എങ്ങനെയാകണം എന്ന കാര്യത്തില് ഒരു പാഠമായിരുന്നു കേസ്. പൊതുപ്രവര്ത്തകര്ക്ക് ധാര്മ്മികത അനിവാര്യമാണ്. ധാര്മ്മികത തന്റെ കാര്യത്തില് മാത്രമായി ഒതുങ്ങരുത്. കോവൂര് കുഞ്ഞിമോനെ മന്ത്രിയാക്കുന്നത് സംബന്ധിച്ച് പാര്ട്ടിയില് ഒരു ചര്ച്ചയും നടന്നിട്ടില്ല. എന്സിപിയില് തനിക്ക് എതിരെ ഗൂഡാലോചന നടത്തിയതായി അറിയില്ലെന്നും എ കെ ശശീന്ദ്രന് പ്രതികരിച്ചു.
ഫോണ്കെണി കേസില് കുറ്റവിമുക്തനായ എ കെ ശശീന്ദ്രന് ഇന്ന് എന്സിപി കേന്ദ്രനേതൃത്വവുമായി കൂടിക്കാഴ്ച നടത്തും. ശശീന്ദ്രനെ വീണ്ടും മന്ത്രിയാക്കണമെന്ന കാര്യത്തില് സംസ്ഥാനതലത്തില് തത്വത്തില് ധാരണയായി. ഇക്കാര്യം അറിയിക്കാനാണ് ശശീന്ദ്രന് ശരദ് പവാര് ഉള്പ്പെടെയുളള ദേശീയ നേതാക്കളെ കാണുന്നത്. എ കെ ശശീന്ദ്രന്റെ മന്ത്രിസഭ പുനപ്രവേശം നിയമസഭ സമ്മേളനത്തിന് ശേഷമേ ഉണ്ടാകുവെന്നാണ് വിവരം
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ