കൊച്ചി: ദുബായ് ജയിലില്‍ തടവില്‍ കഴിയുന്ന വ്യവസായി അറ്റ്‌ലസ് രാമചന്ദ്രന്റെ മോചനത്തിനായി കേന്ദ്ര സര്‍ക്കാര്‍ ഇടപെടുന്നു. അറ്റ്‌ലസ് രാമചന്ദ്രന്റെ കുടുംബാംഗങ്ങള്‍ ബിജെപി സംസ്ഥാന അധ്യക്ഷന്‍ കുമ്മനം രാജശേഖരനുമായി കൂടിക്കാഴ്ച നടത്തിയിരുന്നു. ഇതിന് പിന്നാലെ ബാധ്യതാവിവരങ്ങള്‍ വിദേശകാര്യ മന്ത്രി സുഷമാ സ്വരാജിനും ബിജെപി ദേശീയ ജനറല്‍ സെക്രട്ടറി രാംമാധവിനും കൈമാറി.
രാമചന്ദ്രന്റെ നാട്ടിലേയും വിദേശത്തേയും സ്വത്തുക്കളെ കുറിച്ചുള്ള വിവരങ്ങള്‍ എതിര്‍ കക്ഷികളെ അറിയിച്ചിട്ടുണ്ട്. 12 കേസുകള്‍ 11ല്‍ ഒത്തുതീര്‍പ്പിന് എതിര്‍ കക്ഷികള്‍ സമ്മതിച്ചതായുമാണ് സൂചന. ജയിലില്‍ നിന്നും പുറത്തുവന്നാല്‍ ബാധ്യതകള്‍ തീര്‍ക്കാന്‍ അദ്ദേഹത്തിന് സാധിക്കുമെന്ന് എതിര്‍ കക്ഷികളെ ബോധ്യപ്പെടുത്താന്‍ കഴിഞ്ഞതോടെയാണ് ഒത്തുതീര്‍പ്പിന് വഴിയൊരുങ്ങുന്നത്.
അറ്റലസ് രാമചന്ദ്രന്‍ സത്യവാങ്മൂലം സമര്‍പ്പിച്ചാല്‍ കേസുകളില്‍ നിന്നും പിന്മാറാമെന്ന നിലപാടാണ് ബാങ്കുകള്‍ ഇപ്പോള്‍ സ്വീകരിക്കുന്നത്. എംബസി വഴി ഇതിനുള്ള രേഖകള്‍ കൈമാറിയിട്ടുണ്ടെന്നാണ് സൂചന.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
