തിരുവനന്തപുരം: സാമൂഹ്യമാധ്യമങ്ങളിലൂടം മദ്യപാനത്തിന് പ്രോത്സാഹനം നല്കുന്നുവെന്ന് ആരോപണമുയരുന്ന ഗ്ലാസിലെ നുരയും പ്ലേറ്റിലെ കറിയും(ജിഎന്പിസി) എന്ന ഗ്രൂപ്പിന് എതിരെ നിയമനടപടി കടുപ്പിക്കാനൊരുങ്ങി എക്സൈസ് വകുപ്പ്. ഫെയ്സ്ബുക്ക് കൂട്ടായ്മയുടെ അഡ്മിന് തിരുവനന്തപുരം സ്വദേശി അജിത് കുമാറിനും ഭാര്യ വിനീതയ്ക്കും എതിരെ ക്രിമിനല് കേസ് രജിസ്റ്റര് ചെയ്യാന് പൊലീസിനോട് ആവശ്യപ്പെടാന് എക്സൈസ് വകുപ്പ് തീരുമാനിച്ചു.
കഴിഞ്ഞ ദിവസം അജിത് കുമാറിന്റെ വീട്ടില് എക്സൈസ് വകുപ്പ് നടത്തിയ പരിശോധനയില് മദ്യപാന പാപര്ട്ടിയ്ക്ക് വേണ്ടിയുള്ള ടിക്കറ്റുകളും എയര്ഗണ്ണുകളും കണ്ടെത്തിയിരുന്നു. ഇവര് മദ്യപാന പാര്ട്ടികള് നടത്തിയിരുന്നതായാണ് എക്സൈസ് സംശയിക്കുന്നത്.
ഗ്രൂപ്പിന് 36 അഡ്മിന്മാര് ഉണ്ടെന്ന് എക്സസൈസ് കണ്ടെത്തിയിരുന്നു. അഡ്മിന്മാരുടെ വ്യക്തിവിവരങ്ങള് ശേഖരിക്കാന് സൈബര് സെല്ലിന്റെ സഹായം തേടിയതായും എക്സൈസ് അറിയിച്ചു. കൂടുതല് അഡ്മിന്മാര്ക്ക് എതിരെ അബ്കാരി നിയമപ്രകാരം കേസ് രജിസ്റ്റര് ചെയ്യുമെന്നും ഉദ്യോഗസ്ഥര് വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ