അഭിമന്യു കൊലപാതകം: കൊലയാളികള്‍ സഞ്ചരിച്ച കാര്‍ കണ്ടെത്തി; ഇന്ന് അറസ്റ്റിലായത് നാലുപേര്‍

അഭിമന്യു കൊലപാതകം: കൊലയാളികള്‍ സഞ്ചരിച്ച കാര്‍ കണ്ടെത്തിഇന്ന് അറസ്റ്റിലായത് നാലുപേര്‍
അഭിമന്യു കൊലപാതകം: കൊലയാളികള്‍ സഞ്ചരിച്ച കാര്‍ കണ്ടെത്തി; ഇന്ന് അറസ്റ്റിലായത് നാലുപേര്‍

കൊച്ചി: എറണാകുളം മഹാരാജാസ് കൊളേജിലെ എസ്എഫ്‌ഐ നേതാവ് അഭിമന്യുവിന്റെ കൊലപാതകത്തില്‍ നാലുപേര്‍ അറസ്റ്റില്‍. പോപ്പുലര്‍ ഫ്രണ്ടിന്റെ സജീവ പ്രവര്‍ത്തകരാണ് അറസ്റ്റിലായിരിക്കുന്നത്.കൊലനടത്തിയ ശേഷം പ്രതികള്‍ സഞ്ചരിച്ച വാഹനം പൊലീസ് കസ്റ്റഡിയിലെടുത്തു. ചേര്‍ത്തല സ്വദേശിയുടെ പേരിലുള്ള വാഹനമാണ് പൊലീസ് കണ്ടെടുത്തത്. 

കേസില്‍ ഇന്ന്  നാലുപേര്‍ കൂടി അറസ്റ്റിലായി. പാലാരിവട്ടം സ്വദേശി അനൂപ്, തോപ്പുംപടി സ്വദേശി നിസാര്‍ എന്നിവരാണ് പിടിയിലായത്. കൊലനടത്തിയ ശേഷം പ്രതികളെ രക്ഷപ്പെടാന്‍ സഹായിച്ചത് നിസാര്‍ആണ്. അനൂപ് ഗൂഢാലോചനയില്‍ പങ്കാളിയാണെന്നും പൊലീസ് പറഞ്ഞു.ആലപ്പുഴ സ്വദേശികളായ ഷാജഹാന്‍, ഷിറാസ് സലിം എന്നിവരെയും ഇന്ന് പൊലീസ് പിടിയിലായിരുന്നു. ഇവരില്‍ നിന്നും മതസ്പര്‍ധ വളര്‍ത്തുന്ന ലഘുലേഖകള്‍ പിടിച്ചെടുത്തു.

കേസില്‍ ഇതുവരെ ഒന്‍പത് പ്രതികളാണ് അറസ്റ്റിലായത്. കൃത്യം നിര്‍വഹിച്ചവരും സംഘത്തിന് സഹായം ചെയ്തുവരുമായി 20 പേരുണ്ടെന്നാണ് പൊലീസിന്റെ നിഗമനം
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com