നീനുവിന് മാനസികരോ​ഗമില്ലെന്ന് ചികിത്സിച്ച ഡോക്ടർ കോടതിയിൽ; അന്വേഷണസംഘം രേഖകൾ സമർപ്പിച്ചു

നീനുവിന് മാനസികരോ​ഗമില്ലെന്ന് ചികിത്സിച്ച ഡോക്ടർ കോടതിയിൽ; അന്വേഷണസംഘം രേഖകൾ സമർപ്പിച്ചു

നീ​നു​വി​ന‌് മാ​ന​സി​ക​പ്ര​ശ‌്ന​ങ്ങ​ളൊ​ന്നു​മി​ല്ലെ​ന്ന‌് വ്യ​ക്ത​മാ​ക്കു​ന്ന ആ​ശു​പ​ത്രി രേ​ഖ​ക​ൾ അന്വേഷണ സംഘം കോ​ട​തി​യി​ൽ സമർപ്പിച്ചു

കോട്ടയം: കൊ​ല്ല​പ്പെ​ട്ട കെ​വി​ൻ പി ​ജോ​സ​ഫി​ന്റെ ഭാ​ര്യ നീ​നു​വി​ന‌് മാ​ന​സി​ക​പ്ര​ശ‌്ന​ങ്ങ​ളൊ​ന്നു​മി​ല്ലെ​ന്ന‌് വ്യ​ക്ത​മാ​ക്കു​ന്ന ആ​ശു​പ​ത്രി രേ​ഖ​ക​ൾ അന്വേഷണ സംഘം കോ​ട​തി​യി​ൽ സമർപ്പിച്ചു. നീ​നു മാനസിക രോ​ഗത്തിന്  ചികിത്സയിലായിരുന്നെന്ന പ്ര​തി​ഭാ​ഗ​ത്തി​​ന്റെ വെ​ളി​പ്പെ​ടു​ത്ത​ലു​ക​ളെ തു​ട​ര്‍ന്ന് കോ​ട​തി ആ​വ​ശ്യ​പ്പെ​ട്ട പ്ര​കാ​ര​മാ​ണ് പരിശോധനാ റി​പ്പോ​ര്‍ട്ട് ഹാ​ജ​രാ​ക്കി​യ​ത്.

നീ​നു​വി​നെ മൂ​ന്നു​ത​വ​ണ ചികിൽസക്കായി തന്റെ അടുക്കൽ കൊണ്ടുവന്നിരുന്നെന്നും  എന്നാൽ സാ​ധാ​ര​ണ കൗ​ൺ​സ​ലി​ങ‌് മാ​ത്ര​മാ​ണ‌് ന​ൽ​കി​യ​തെ​ന്നും  മാ​ന​സി​ക​മാ​യി നീനുവിന് ത​ക​രാ​റൊ​ന്നു​മി​ല്ലെ​ന്നും തി​രു​വ​ന​ന്ത​പു​രം അ​ന​ന്ത​പു​രി ആ​ശു​പ​ത്രി​യി​ലെ ഡോ. ​വൃ​ന്ദ ഏ​റ്റു​മാ​നൂ​ര്‍ ജു​ഡീ​ഷ്യ​ല്‍ ഫ​സ്​​റ്റ്​ ക്ലാ​സ് മ​ജി​സ്ട്രേ​റ്റ് കോ​ട​തി​യെ അ​റി​യി​ച്ചു. താൻ ഒ​രാളുമായി അടുപ്പത്തിലാണെന്നും  അ​തി​ല്‍നി​ന്ന് പിൻമാറാൻ ഒരുക്കമല്ലെന്ന് നീനും തന്നോട് പറഞ്ഞതായി ഡോക്ടർ പറഞ്ഞു

അ​തേ​സ​മ​യം, നീ​നു​വി​ന് മനോരോ​ഗം ഉ​ണ്ടാ​യി​രു​ന്നു​വെ​ന്ന്​ തെ​ളി​യി​ക്കാ​നാ​യി മെ​ഡി​ക്ക​ല്‍ ബോ​ര്‍ഡി​നെ ചു​മ​ത​ല​പ്പെ​ടു​ത്ത​ണ​മെ​ന്ന് ​പ്രതിഭാഗം ​ആവ​ശ്യ​പ്പെ​ട്ടു. ഒ​ന്നാം പ്ര​തി​യും നീ​നു​വി​​ന്റെ സ​ഹോ​ദ​ര​നു​മാ​യ ഷാ​നു ചാ​ക്കോ​യു​ടെ ശ​ബ്​​ദ​സാ​മ്പി​ള്‍ എ​ടു​ക്ക​ണ​മെ​ന്ന പൊ​ലീ​സി​ന്റെ ആ​വ​ശ്യം കോ​ട​തി ത​ള്ളി. ഗാ​ന്ധി​ന​ഗ​ർ പൊ​ലീ​സ് സ്​​റ്റേ​ഷ​നി​ലെ മു​ൻ എഎ​സ്ഐ ബി​ജു, കെ​വി​​ന്റെ ബ​ന്ധു അ​നീ​ഷ് എ​ന്നി​വ​രു​മാ​യി ഷാ​നു ഫോ​ണി​ലൂ​ടെ സം​സാ​രി​ച്ചി​രു​ന്നു. ഇ​ത‌് ശാ​സ്ത്രീ​യ​മാ​യി തെ​ളി​യി​ക്കാ​നാ​ണ് ശ​ബ്​​ദ​സാ​മ്പി​ൾ  ശേ​ഖ​രി​ക്കാ​ൻ ​ശ്രമിച്ച​ത്.

എ​ന്നാ​ൽ, പ്ര​തി​ക​ളു​ടെ ശ​ബ്​​ദ​സാ​മ്പി​ൾ ശേ​ഖ​രി​ക്കാ​ൻ നി​യ​മാ​നു​സൃ​ത​മാ​യി സാ​ധ്യ​മ​ല്ലെ​ന്നു ചൂ​ണ്ടി​ക്കാ​ട്ടി കോ​ട​തി ഈ ​ആ​വ​ശ്യം ത​ള്ളി. ശ​ബ്​​ദ​സാ​മ്പി​ൾ ന​ൽ​കാ​ൻ സ​മ്മ​ത​മ​ല്ലെ​ന്ന‌് ഷാ​നു അ​റി​യി​ച്ചി​രു​ന്നു. സു​ര​ക്ഷി​ത​മായാ​ണോ നീ​നു താ​മസി​ക്കു​ന്ന​ത‌് എ​ന്ന‌് പ​രി​ശോ​ധി​ക്കാ​ൻ പൊ​ലീ​സി​നെ ചു​മ​ത​ല​പ്പെ​ടു​ത്തി. കേ​സി​ൽ നീ​നു​വി​​ന്റെ അ​മ്മ ര​ഹ‌്ന​യെ ചോ​ദ്യം ചെയ്യുന്നത് നീ​ട്ടി​ വെച്ച​താ​യി ഡി​വൈഎ​സ‌്പി ഗി​രീ​ഷ‌് പി സാ​ര​ഥി അ​റി​യി​ച്ചു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com