കാസര്‍ഗോഡ്: പിഞ്ചുകുഞ്ഞിനെ കിണറ്റിലെറിഞ്ഞു കൊലപ്പെടുത്തിയ സംഭവത്തില്‍ മാതാവ് അറസ്റ്റില്‍. എരിയാല്‍ സ്വദേശി അഹമ്മദിന്‍റെ ഭാര്യ നസീമയെയാണ് പോലീസ് അറസ്റ്റ് ചെയ്തത്.
കഴിഞ്ഞ 18-ന് ഉച്ചകഴിഞ്ഞ് മൂന്നോടെയാണ് നസീമ ഒന്നര വയസുള്ള അഫ്സത്ത് ഷംസനയെ വീടിനോടു ചേര്‍ന്നുള്ള വയലിലെ ആള്‍മറയില്ലാത്ത കിണറ്റിലെറിഞ്ഞു കൊലപ്പെടുത്തിയത്. ഇവര്‍ക്കെതിരേ കൊലക്കുറ്റത്തിനാണ് കേസെടുത്തത്. കുഞ്ഞിന്‍റെ വയറ്റില്‍ ഭക്ഷണമൊന്നുമുണ്ടായിരുന്നില്ലെന്നും കുഞ്ഞിനെ കിണറ്റിലെറിഞ്ഞു കൊന്നതാണെന്നും കണ്ടെത്തിയതിനെ തുടര്‍ന്നാണ് ഇവരെ അറസ്റ്റ് ചെയ്തതെന്ന് പോലീസ് പറഞ്ഞു.
ഷംന അബദ്ധത്തില്‍ കിണറ്റില്‍ വീണുവെന്നാണ് യുവതി ആദ്യം പോലീസിനോട് പറഞ്ഞിരുന്നത്. ഒന്നര വയസായിട്ടും കുഞ്ഞ് നടക്കാത്തതിനാല്‍ എടുത്തുകൊണ്ടുപോകാന്‍ പ്രയാസമുള്ളതിനാലാണ് കിണറ്റിലെറിഞ്ഞു കൊന്നതെന്ന് യുവതി പിന്നീട് പോലീസിനോടു സമ്മതിച്ചു. ഷംനയുടെ ഇരട്ടയായ മറ്റൊരു കുഞ്ഞ് നേരത്തെ വീട്ടില്‍ ദുരൂഹ സാഹചര്യത്തില്‍ മരിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
