ഒരു സീറ്റ് ലീ​ഗിന് കിട്ടിയാലായി; ബാക്കിയെല്ലാം ഇടതു മുന്നണി തന്നെ നേടും; 2019ലെ ഫലം പ്രവചിച്ച് ഡോ. ഡി ബാബുപോൾ

തിരുവനന്തപുരം: 2019ലെ പൊതു തെരഞ്ഞെടുപ്പിൽ കേരളത്തിൽ ഒരു സീറ്റ് ഒഴിച്ച് എല്ലായിടത്തും ഇടതു മുന്നണി ജയിക്കാനാണ് സാധ്യതയെന്ന് മുൻ അഡീഷനൽ ചീഫ് സെക്രട്ടറിയും കോളമിസ്റ്റുമായ ഡോ. ഡി. ബാബു പോൾ. ഒരു സീറ്റ് മുസ്ലിംലീ​ഗിന് കിട്ടിയാലായെന്ന് ചെങ്ങന്നൂർ ഉപതെരഞ്ഞെടുപ്പു ഫലം വിലയിരുത്തിക്കൊണ്ട് കേരള കൗമുദി പത്രത്തിൽ എഴുതിയ ലേഖനത്തിൽ ഡി ബാബുപോൾ അഭിപ്രായപ്പെടുന്നു. 

ചെ​ങ്ങ​ന്നൂ​രി​ൽ ഭൂ​രി​പ​ക്ഷം വർ​ധി​ച്ച​തി​ന് പ്ര​ധാ​ന​കാ​ര​ണം പി​ണ​റാ​യി വി​ജ​യ​ന്റെ ഭ​ര​ണം ത​ന്നെ ആണെന്ന് ലേഖനത്തിൽ പറയുന്നു. പ​ത്ര​ക്കാ​രെ​ന്ത് പ​റ​ഞ്ഞാ​ലും പി​ണ​റാ​യി കാ​ര്യ​ക്ഷ​മ​ത​യു​ള്ള, വി​ക​സന കാ​ര്യ​ത്തിൽ ദീർ​ഘ​വീ​ക്ഷ​ണ​വും വ്യ​ക്ത​മായ കാ​ഴ്ച​പ്പാ​ടും ഉ​ള്ള, കേ​ര​ളം കാ​ത്തി​രു​ന്ന ഭ​ര​ണാ​ധി​കാ​രി​യാ​ണ് എ​ന്ന് വി​ദ്യാ​ഭ്യാ​സ​വും വ​സ്തു​നി​ഷ്ഠ ചി​ന്താ​ശീ​ല​വും ഉ​ള്ള എ​ല്ലാ​വ​രും സ​മ്മ​തി​ക്കും. ര​ണ്ടാ​മ​ത്തെ കാ​ര​ണം യു.​ഡി.​എ​ഫ്, എൽ.​ഡി.​എ​ഫ് സ്ഥാ​നാർ​ത്ഥി​ക​ളു​ടെ വ്യ​ക്തി​ത്വ​വും ട്രാ​ക്ക് റെ​ക്കാഡും. ശ്രീ​ധ​രൻ​പി​ള്ള പി​റ​കോ​ട്ടു പോ​യ​തി​ന്റെ കാ​ര​ണം ശ്രീ​ധ​രൻ​പി​ള്ള​യ​ല്ല എ​ന്ന​തും സ​ത്യം.

ന​മ്മു​ടെ മു​ഖ്യ​മ​ന്ത്രി ചി​രി​ക്കാൻ പ​ഠി​ക്ക​ണം എ​ന്നും ക​ട​ക്ക് പു​റ​ത്ത്  എ​ന്ന​തി​ന് പ​ക​രം പു​റ​ത്ത് ക​ട​ക്കു​ക എ​ന്ന് പ​റ​യ​ണം എ​ന്നും പ​റ​ഞ്ഞി​ട്ടു​ള്ള​യാ​ളാ​ണ് ഞാൻ. അ​തി​ന് ഒ​രു മാ​റ്റ​വും വ​രു​ത്താൻ ഉ​ദ്ദേ​ശി​ക്കു​ന്നു​മി​ല്ല. എ​ന്നാൽ പി​ണ​റാ​യി​യു​ടെ നി​ശ്ച​യ​ദാർ​ഢ്യ​വും ആ​ജ്ഞാ​ശ​ക്തി​യും മ​ല​യാ​ളി മാ​നി​ക്കു​ന്ന​താ​ണ് എ​ന്ന് പി​ണ​റാ​യി വി​രു​ദ്ധർ അ​റി​യ​ണം. ചെ​ങ്ങ​ന്നൂർ നൽ​കു​ന്ന പാ​ഠ​മാ​ണ് അ​ത്- ലേഖനം പറയുന്നു.

പി​ണ​റാ​യി കു​റെ കൊ​ല്ല​ങ്ങൾ​ക്ക് മുൻ​പ് കോ​ട്ട​യ​ത്ത് വ​ച്ച് സ​ഖാ​ക്ക​ളെ ശാ​സി​ച്ച​ത് എ​ത്ര​പേർ ഓർ​ക്കു​ന്നു​ണ്ട് എ​ന്ന​റി​യു​ന്നി​ല്ല. സി.​പി.​എം യോ​ഗം ഉ​ഷാ ഉ​തു​പ്പി​ന്റെ ഗാ​ന​മേ​ള​യ​ല്ല എ​ന്ന് പ​റ​ഞ്ഞ​ത് ഞാൻ ടി​വി​യിൽ ക​ണ്ട​താ​ണ്. അ​തിൽ ആ​ജ്ഞാ​ശ​ക്തി​യും നർ​മ്മ​ബോ​ധ​വും സ​മ്മേ​ളി​ച്ചി​രു​ന്നു. എ​ന്നു​വ​ച്ച് പി​ണ​റാ​യി തി​രു​ത്തു​ന്നി​ല്ലേ? വ​സ്തു​ത​കൾ തെ​റ്റാ​ണെ​ന്ന് ബോ​ദ്ധ്യ​പ്പെ​ട്ടാൽ തി​രു​ത്താ​നും ത​യ്യാ​റാ​ണ് ഈ മ​നു​ഷ്യൻ. നേ​തൃ​ത്വം പ​ഠി​പ്പി​ക്കു​ന്ന മാ​നേ​ജ്മെ​ന്റ് ഗു​രു​ക്ക​ന്മാർ കേ​സ് സ്റ്റ​ഡി ആ​ക്കേ​ണ്ട നേ​തൃ​ത്വ ശൈ​ലി​യാ​ണ് പി​ണ​റാ​യി​യു​ടേ​ത്. പി​ണ​റാ​യി​യു​ടെ നി​ശ്ച​യ​ദാർ​ഢ്യം, ആ​ജ്ഞാ​ശ​ക്തി, പാ​ലം കു​ലു​ങ്ങി​യാ​ലും താൻ കു​ലു​ങ്ങു​ക​യി​ല്ല എ​ന്ന മ​ട്ടി​ലു​ള്ള ധീ​രത തു​ട​ങ്ങി​യ​വ​യൊ​ക്കെ ജ​നം ശ്ര​ദ്ധി​ക്കു​ന്നു​ണ്ട്. പി​ണ​റാ​യി​ക്കൊ​പ്പം നിൽ​ക്കാൻ കോൺ​ഗ്ര​സിൽ ആ​രും ഇ​ല്ല​താ​നും.

ന​മ്മു​ടെ രാ​ഷ്ട്രീയ നേ​താ​ക്കൾ പൊ​തു​വേ ബൂർ ബോൺ രാ​ജാ​ക്ക​ന്മാ​രെ​പ്പോ​ലെ ആ​ണ്. അ​വർ ഒ​ന്നും പ​ഠി​ക്കു​ന്നു​മി​ല്ല. ഒ​ന്നും മ​റ​ക്കു​ന്നു​മി​ല്ല. അ​തു​കൊ​ണ്ട് 2019ൽ വ​ലിയ മാ​റ്റ​മൊ​ന്നും പ്ര​തീ​ക്ഷി​ക്കാ​നി​ല്ല. തത്സ്ഥി​തി തു​ട​രാ​നാ​ണ് സാ​ദ്ധ്യ​ത. ലീ​ഗി​ന് ഒ​രു സീ​റ്റ് കി​ട്ടി​യാ​ലാ​യി. പി​ണ​റാ​യി ജാ​ഗ​രൂ​ക​നാ​യി തു​ട​രു​മെ​ങ്കിൽ ബാ​ക്കി​യെ​ല്ലാം ഇടതു ​ജനാധിപത്യ ​മുന്നണി നേ​ടും- ബാബുപോൾ ലേഖനത്തിൽ പറയുന്നു.