നവജാതശിശുവിന്റെ മൃതദേഹം പ്ലാസ്റ്റിക് കവറില്‍ കെട്ടി ഉപേക്ഷിച്ച നിലയില്‍

ഇന്ന് രാവിലെ കൊല്ലം ജില്ലാ ആശുപത്രിയില്‍ ചികിത്സ തേടിയ യുവതി അല്‍പം മുന്‍പെ പ്രസവിച്ചതായി ഡോക്ടര്‍മാര്‍ സ്ഥിരീകരിച്ചിരുന്നു.
നവജാതശിശുവിന്റെ മൃതദേഹം പ്ലാസ്റ്റിക് കവറില്‍ കെട്ടി ഉപേക്ഷിച്ച നിലയില്‍

കൊല്ലം: നവജാത ശിശുവിന്റെ മൃതദേഹം വഴിയരികില്‍ നിന്നും കണ്ടെത്തി. പ്ലാസ്റ്റിക് കവറില്‍ പൊതിഞ്ഞ് കെട്ടിയ നിലയിലായിരുന്നു മൃതദേഹം കാണപ്പെട്ടത്. കൊല്ലം നീരാവിലാണ് സംഭവം. ഇതേടര്‍ന്ന് മഹാരാഷ്ട്ര സ്വദേശിനിയായ യുവതിയെ പോലീസ് ചോദ്യം ചെയ്ത് വരികയാണ്. 

ഇന്ന് രാവിലെ കൊല്ലം ജില്ലാ ആശുപത്രിയില്‍ ചികിത്സ തേടിയ യുവതി അല്‍പം മുന്‍പെ പ്രസവിച്ചതായി പരിശോധനയില്‍ നിന്നും ഡോക്ടര്‍മാര്‍ സ്ഥിരീകരിച്ചിരുന്നു. തുടര്‍ന്ന് നടത്തിയ അന്വേഷണത്തിലാണ് നവജാത ശിശുവിന്റെ മൃതദേഹം പ്ലാസ്റ്റിക് കവറില്‍ പൊതിഞ്ഞ നിലയില്‍ ഇവര്‍ താമസിക്കുന്ന വീടിനടുത്തുനിന്ന് കണ്ടെത്തിയത്. 

സംഭവത്തില്‍ പൊലീസ് അന്വേഷണം ആരംഭിച്ചിട്ടുണ്ട്. മൃതദേഹം കണ്ടെത്തിയ വീട്ടില്‍ രണ്ട് ദിവസം മുന്‍പാണ് ഈ സ്ത്രീ താമസത്തിനായി എത്തിയത്. മഹാരാഷ്ട്ര സ്വദേശികളാണ് മുന്‍പും ഈ വീട്ടില്‍ താമസിച്ചിരുന്നത്. ഈ വീട്ടില്‍ വെച്ചുതന്നെയാണ് യുവതി പ്രസവിച്ചതെന്നാണ് സൂചന. എന്നാല്‍, കൂടുതല്‍ ചോദ്യം ചെയ്താല്‍ മാത്രമേ കുട്ടിയെ കൊലപ്പെടുത്തിയതാണോയെന്ന് വ്യക്തമാകുവെന്ന് പൊലീസ് അറിയിച്ചു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com